«My supracoŭničajem u roznych kirunkach». Kiraŭnik akupavanaj terytoryi padziakavaŭ Biełarusi za padtrymku
Pryznačany Rasijaj kiraŭnik akupavanaj častki Zaparožskaj vobłaści Jaŭhien Balicki pachvaliŭsia sustrečaj z ambasadaram Biełarusi ŭ RF Dźmitryjem Krutym. Sustreča adbyłasia na Pieciarburhskim mižnarodnym ekanamičnym forumie.
«Respublika Biełaruś ź pieršych dzion praciahnuła ruku dapamohi i padtrymki Zaparožskaj vobłaści, my supracoŭničajem u roznych kirunkach: u kultury, sporcie, turyźmie, ekanomicy. Našy spartsmieny biaruć udzieł u vialikich spabornictvach u Respublicy Biełaruś, i ŭ Dzień Pieramohi delehacyja Zaparožskaj vobłaści išła ŭ «Biaśśmiertnym pałku» pa vulicach hieraičnaha Bresta. I budziem praciahvać i naroščvać supracoŭnictva.
Vialikaja padziaka braterskamu biełaruskamu narodu za padtrymku i dapamohu, u nas vialikija pierśpiektyvy dla supracoŭnictva, i my budziem umacoŭvać i ŭzmacniać uzajemadziejańnie», — napisaŭ jon u telehramie.
Za zamach na terytaryjalnuju cełasnaść i niedatykalnaść Ukrainy ŭkrainski sud zavočna pryhavaryŭ Balickaha da 15 hadoŭ pazbaŭleńnia voli.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary