Biełaruś razhromna prajhrała Rasii 0:4 — na ŭpieršyniu za doŭhi čas zapoŭnienym «Dynama» VIDEA hałoŭ
Zbornaja Biełarusi nie hulała doma dva z pałovaj hady.
Tavaryski matč futbolnych zbornych Biełarusi i Rasii na minskim stadyjonie «Dynama» skončyŭsia paražeńniem haspadaroŭ ź likam 0:4.
Start matča byŭ dla biełarusaŭ pravalnym — pieršy hoł paśla pamyłki bramnika Paŭła Paŭlučenki prapuścili na 8-j chvilinie.
A na 20-j chvilinie nie razabralisia abaroncy Siarhiej Palicievič i Dzianis Palakoŭ. Rasijanie daviali lik da 2:0.
Najlepšy šaniec u biełarusaŭ byŭ na 60-j chvilinie, kali Maksim Kirejeŭ apynuŭsia sam-nasam z rasijskim bramnikam, ale nie prabiŭ pa varotach, a pasprabavaŭ abvieści supiernika.
Na 63-j chvilinie rasijanie padpilnavali miač, jaki adskočyŭ ad Paŭlučenki, i zrabili lik bujnym — 3:0.
Na 69-j chvilinie daviali ličby da razhromu — 4:0.
Padčas matča było abvieščana, što na trybunach prysutničaje 21 483 hledačy — heta 97% ad ahulnaj kolkaści miescaŭ. Dla arhanizataraŭ matča było važna abaznačyć anšłah — kvitki tradycyjna raspaŭsiudžvali z dapamohaj administratyŭnaha resursu. Zrešty, i rasijskich zaŭziataraŭ na trybunach było niamała.
Biełaruś apošni raz hulała na terytoryi krainy ŭ 2021 hodzie. Z taho času ŭsie matčy pravodziacca ŭ haściach. Zbornaja Rasii ŭvohule vystupaje tolki ŭ tavaryskich matčach, ad aficyjnych spabornictvaŭ krainu adchilili za vajnu z Ukrainaj.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary