Syn biełaruskaha multymiljaniera Jacuka jechaŭ praź biełaruska-litoŭskuju miažu na zvyčajnym rejsavym aŭtobusie
Učora na biełaruska-litoŭskaj miažy pačali dziejničać novyja praviły — ciapier u Litvu zabaroniena ŭvozić lubyja pradukty. Siarod biełarusaŭ, jakija pieršymi sutyknulisia z hetym, apynuŭsia Vital Jacuk — syn multymiljaniera Alaksandra Jacuka, zasnavalnika handlovaj sietki «Vitalur», jakaja zakryłasia.
Pra heta paviedamiła ŭ instahramie jahonaja žonka Ženia Katava — biełaruskaja top-madel, jakaja pabudavała paśpiachovuju karjeru na Zachadzie. Para płanavała palacieć u adpačynak ź Vilni, a da stalicy Litvy dabirałasia zvyčajnym rejsavym aŭtobusam.
— Siamiejnaje žyćcio pavinna mieć niejkuju raznastajnaść. Vyrašyli voś upieršyniu za 6 hadoŭ z mužam pavandravać na aŭtobusie, — raspaviała ŭ storys Ženia.
Prajści biełaruska-litoŭskuju miažu ŭ pary atrymałasia poźniaj nočču. Na ŭsiu darohu ad doma ŭ Minsku da hatela ŭ Vilni, pa padlikach madeli, syšło 11 hadzin.
— Z rasstrojstvaŭ tolki toje, što my na viačeru siońnia nie schodzim u Vilni, płanavali. Ale schodzim rankam na niejki smačny śniadanak. Vielmi chočacca prosta lehčy.
Jana taksama napisała, što ludziej prymušali vykidać pradukty, cyharety, ałkahol.
Nahadajem, Ženia Katava — madel z Barysava, jakaja stała papularnaj na Zachadzie. Jana była madellu Tani Tejłar, Filipa Plejna, Rejčeł Zoŭi, Naima Chana i Nikol Miler. Udzielničała ŭ pakazach Dolce & Gabbana, Cushnie et Ochs, Marc Jacobs, Bottega Veneta, Moschino, Elie Saab.
U 2019 hodzie Ženia Katava zhulała viasielle ź Vitalom Jacukom. Jaho baćka — multymiljanier Alaksandr Jacuk, zasnavalnik handlovaj sietki «Vitalur», jakaja zakryłasia praz daŭhi. U pary jość maleńki syn Miron.
U Litvu bieź ježy, napojaŭ i cyharet. Što adbyvajecca z uvozam biełaruskich tavaraŭ u Litvu?
Bolš škodziać zvyčajnym biełarusam, čym režymu Łukašenki. Ofis Cichanoŭskaj prakamientavaŭ zabaronu Litvy uvozić pradukty
Hiendyrektar «Vitalura» pieraličyŭ pryčyny zakryćcia kramaŭ: vajna va Ukrainie, sankcyi, ukaz ab zamarozcy cen
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary
Jość razumieńnie, što pry adsutnaści kankurencyi možna rabić što chočaš, ale, kali łaska, redakcyja, vychodźcie z “kryzisu”.