Były siłavik zatroliŭ Cierciela: Čamu astatnich kandydataŭ u KR uklučyli ŭ skład ekstremisckaha farmiravańnia, a mianie — nie?
Andrej Fiodaraŭ kaliści pracavaŭ u haziecie Ministerstva abarony, a ŭ 2009 emihravaŭ u Aŭstraliju.
Kandydat u Kaardynacyjnuju radu Andrej Fiodaraŭ apublikavaŭ adkryty list da staršyni KDB Ivana Cierciela.
Fiodaraŭ aburyŭsia tym, što KDB abvieściŭ vybarčy śpis «Zakon i pravaparadak» ekstremisckim farmiravańniem, ale paličyŭ jaho ŭdzielnikami tolki 19 čałaviek z 20, jakija bałatujucca ŭ KR. Fiodarava čamuści pakinuli pa-za bortam.
«U śpisach ekstremisckich arhanizacyj i ich udzielnikaŭ utrymlivajecca niedaravalnaja niedakładnaść, — napisaŭ Fiodaraŭ. —
Ja hłyboka rasčaravany padobnaj dyskryminacyjaj z boku vašaha viedamstva i mahu rastłumačyć jaje tolki niadbajnaściu i niedastatkovym prafiesijanalizmam vašych padnačalenych. Ci ž, što jašče bolš sumna, sprobaj nivieliravać moj układ u ekstremiscki ruch.
Ja pryznaju, što ŭ paraŭnańni ź inšymi hramadzianami sa śpisu hrupoŭki «Zakon i pravaparadak» maje zasłuhi nie tak prykmietnyja, ale ŭsio ž chaču padkreślić, što liču pazicyju vašaha viedamstva dyskryminacyjnaj i niespraviadlivaj».
Andreju Fiodaravu 46 hadoŭ. Jon skončyŭ Vajennuju akademiju Biełarusi. Pracavaŭ u haziecie Ministerstva abarony «Vo słavu Rodiny» piać hadoŭ, dasłužyŭsia da zvańnia kapitana. Paśla pracavaŭ žurnalistam na VajenTB, a taksama na Staličnym telebačańni. U 2009 hodzie imihravaŭ u Aŭstraliju, dzie skončyŭ dźvie mahistratury ŭ miascovych univiersitetach. Atrymaŭ siertyfikacyju prykładnoha analityka pavodzin u Aŭstralii i ZŠA. Ciapier Fiodaraŭ uładalnik i kliničny dyrektar kampanii, jakaja pracuje ź ludźmi z adchileńniami ŭ pavodzinach i zatrymkami ŭ raźvićci.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii18
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary