Viarchoŭnaja Rada padtrymała važny dla biełarusaŭ zakonaprajekt ab pravavym statusie abaroncaŭ Ukrainy
Deputaty Viarchoŭnaj Rady Ukrainy 9 traŭnia pryniali ŭ pieršym čytańni zakonaprajekt z papraŭkami ŭ zakony, jakija tyčacca «pravavoha statusu zamiežnikaŭ i asob biez hramadzianstva, što ŭdzielničajuć u abaronie terytaryjalnaj cełasnaści i niedatykalnaści Ukrainy», piša «Pozirk».
Kiraŭnik mižfrakcyjnaha abjadnańnia «Za demakratyčnuju Biełaruś» deputat Alaksiej Hančarenka paviedamiŭ, što papraŭki padtrymali 263 parłamientaryi (aktualny skład VR — 401 čałaviek).
Hety dakumient siarod inšaha daje mahčymaść atrymlivać dazvoły na imihracyju abo ŭkrainskaje hramadzianstva na padstavie praterminavanych pašpartoŭ; atrymlivać dazvoł na žycharstva (DNŽ) zamiežnikam i asobam biez hramadzianstva, «pryciahnutym da abarony Ukrainy ŭ składzie sił terytaryjalnaj abarony abo dobraachvotnickich farmiravańniaŭ terytaryjalnaj supolnaści».
Akramia taho, papraŭki dajuć prava atrymlivać DNŽ členam siemjaŭ asob, jakija zaklučyli kantrakt na słužbu va Uzbrojenych siłach Ukrainy, Dziaržaŭnaj śpiecsłužbie transpartu i Nachvardyi.
Zhodna z zakonaprajektam, biełarusy i rasijanie, jakija atrymali ŭkrainskaje hramadzianstva «ŭ pieryjad z 24 lutaha 2020 h. <…> u adpaviednaści z Zakonam Ukrainy «Ab hramadzianstvie Ukrainy» i padali abaviazacielstva spynić zamiežnaje hramadzianstva», pavinny buduć zrabić heta «na praciahu hoda z dnia spynieńnia abo skasavańnia vajennaha stanovišča, kali termin vykanańnia takoha abaviazacielstva ŭžo skončyŭsia».
Kamientary
Tak što ŭsio budzie dobra z našymi Kalinoŭcami.
A ruśni i Łukašenku budzie (jak braty-ukraincy) - p...da.