Hramadstva22

BDUIR nabiare bolš metavikoŭ. Ajcišnikaŭ zabiaruć siłaviki, vajenpram, «Kamunarka»

BDUIR pakazaŭ novy płan: ajcišnikaŭ-metavikoŭ budzie bolš.

Fota: BiełTA

Usiaho sioleta ŭniviersitet źbirajecca nabrać 62 metavikoŭ. Padčas minułaj ustupnaj kampanii metavikam było adviedziena 41 miesca, usiaho było padadziena 60 zajavak, piša Devby.io.

Asablivaści naboru metavikoŭ u BDUIR

  • Abituryjentaŭ adbiraje zakazčyk ź liku hramadzian Biełarusi, zamiežnych hramadzian i asob biez hramadzianstva, jakija pastajanna pražyvajuć u Biełarusi i źjaŭlajucca vypusknikami ŭstanoŭ adukacyi Biełarusi.
  • Pryjom dakumientaŭ: ad 27 červienia da 2 lipienia.
  • Praviadzieńnie ŭstupnych ispytaŭ: ad 4 da 10 lipienia.
  • Abituryjenty, jakija pastupajuć dla atrymańnia vyšejšaj adukacyi na ŭmovach metavaj padrychtoŭki, za vyklučeńniem asobnych śpiecyjalnaściaŭ, zdajuć adnoje ŭnutranaje ŭstupnaje vyprabavańnie pa vučebnym pradmiecie, jaki vyznačany pradmietam pieršaha profilnaha vyprabavańnia.
  • Zaličeńnie: da 12 lipienia.

Sioleta bolš za ŭsio miescaŭ (14) BDUIR zareziervavaŭ dla kampanii «Intehrał». U 2023 «Intehrału» vydzielili 12 miescaŭ dla metavikoŭ.

Pradpryjemstva raspracoŭvaje i vyrablaje mikraelektronnyja kampanienty i vyraby elektronnaj techniki, uklučajučy vajennuju techniku. Jamu patrebnyja novyja supracoŭniki, jakija navučajucca na troch śpiecyjalnaściach: «elektronnyja sistemy i technałohii», «nanatechnałohii i nanamateryjały», «mikra– i nanaelektronika».

Niekalki miescaŭ vydzielena dla metavikoŭ, jakija płanujuć pracavać na inšych pradpryjemstvach vajenpramu, u pryvatnaści, «Pielenh» i «558 Avijacyjny ramontny zavod». Darečy, abodva pradpryjemstvy razam z «Intehrałam» — pad sankcyjami.

Pavialičyłasia kolkaść miescaŭ dla ajcišnikaŭ, jakija patrebnyja siłavym strukturam. Letaś dla navukova-techničnaha centra KDB i Departamienta zabieśpiačeńnia apieratyŭna-vyšukovaj dziejnaści MUS było zareziervavana 7 miescaŭ. Sioleta 9 miescaŭ zareziervavana dla MUS. 

Jak i letaś, BDUIR płanuje rychtavać pa metavych napramkach śpiecyjalistaŭ dla mytni. Dva miescy zareziervavanyja dla pradpryjemstva «Kamunarka».

Jak źmianiałasia palityka dziaržavy ŭ dačynieńni da metavikoŭ

U 2022 hodzie ŭ abnoŭlenym Kodeksie ab adukacyi źniali abmiežavańni dla arhanizacyj i pradpryjemstvaŭ, jakija pretendavali na metavy nabor śpiecyjalistaŭ. Raniej takija arhanizacyi i pradpryjemstvy musili znachodzicca albo ŭ małych haradach (z nasielnictvam nie bolšym za 20 tysiač) albo na zabrudžanych terytoryjach. 

Heta dazvoliła VNU pavialičyć nabor metavikoŭ. U 2022 hodzie płanavy nabor skłaŭ 3,2 tysiačy, u 2023 hodzie — kala 4 tysiač. 

VNU miedycynskaha profilu dali mahčymaść nabirać da 80% metavikoŭ ad ahulnaj kolkaści (było 50%). Na śpiecyjalnaści, źviazanyja ź sielskaj haspadarkaj, vieterynaryjaj, rybnaj haspadarkaj, achovaj pracy, moža pastupać da 70% abituryjentaŭ z metavym napramkam (było 60%). Pa inšych śpiecyjalnaściach — da 60% ad kantrolnych ličbaŭ pryjomu (było 40%).

Taksama źmianiŭsia farmat pastupleńnia metavikoŭ u VNU. Raniej jany zdavali dva abo try CT u zaležnaści ad śpiecyjalnaści. U 2023 hodzie dla metavikoŭ uviali adzin unutrany ekzamien u vusnaj abo praktyčnaj formie pa profilnym pradmiecie śpiecyjalnaści.

Darečy, pakul paśla metavaj padrychtoŭki vypuskniki VNU musiać adpracavać u zakazčyka nie mienš za 5 hadoŭ. Ale letaś Łukašenka prapanavaŭ razhledzieć mahčymaść pavialičyć u Biełarusi terminy adpracoŭki. U pryvatnaści, dla metavikoŭ — da 7 hadoŭ.

Kamientary2

  • nie pomožiet
    09.05.2024
    Pośle 2020 hoda, kačiestvo obrazovanija v Biełarusi, ruchnuło nižie plintusa, umnych profiessorov i priepodavatielej posadili, povyhnali. Ostavšijesia machnuli rukoj i nie vykładyvajutsia, kak rańšie, rabotajut na otstań, a durakov poboleło v razy, zaniali miesta posažiennych i povyhnannych.
    Poetomu, ajtišniki-cieleviki, dla siłovych struktur, eti struktury nie spasut. Pravda vuzdieńhi osvoit, eto da, razdieliv sriedi svoich durakov.
    Diešievle i proŝie, srazu, krasauca s dubinkoj, sadiť na miesto ajtišnika.
  • fafa
    09.05.2024
    jeśli eto NIE RABSTVO? to kak ono tohda vyhladit?

Ciapier čytajuć

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły

Usie naviny →
Usie naviny

Słavakija viartaje ŭ Biełaruś pasła11

Raspracavany pieršy za 50 hadoŭ antybijotyk suprać śmiarotnaj supierbakteryi

U Maładziečanskim rajonie pradajuć lecišča z marskoha kantejniera

Kolki kaštuje pucioŭka ŭ biełaruski sanatoryj — suma niemałaja2

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi43

Rotam kamunista Syrankova znoŭ ukidvajecca ideja admianić u Biełarusi prezidenckija vybary27

Kiełah: Na pieramovach u Stambule buduć pradstaŭniki ZŠA, Hiermanii, Vialikabrytanii i Francyi3

U Nacyjanalnym mastackim muziei adkryłasia vystava, pryśviečanaja rasijskim pieramoham15

Apielacyjny sud u ZŠA staŭ na bok Trampa ŭ pytańni taryfaŭ

bolš čytanych navin
bolš łajkanych navin

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły8

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły

Hałoŭnaje
Usie naviny →

Zaŭvaha:

 

 

 

 

Zakryć Paviedamić