Słava Kamisaranka raspavioŭ, jak u Turcyi jamu zabaranili žartavać pra vusataha prezidenta
Biełaruski stendap-komik Słava Kamisaranka vykłaŭ u tyktok videa, u jakim raspavioŭ pra prablemy z tureckimi ŭładami praz danos miascovych chiejtaraŭ.
Kamisaranka žyŭ u Turcyi kala hoda i šmat vystupaŭ tam u hety čas.
— U mianie byŭ tolki adzin žart pra Erdahana. Vielmi miakki, dzie ja kazaŭ, što nie źbirajusia žartavać pra Erdahana, «ale vy mianie taksama zrazumiejcie, kali ja baču vusataha prezidenta, jaki tak daŭno va ŭładzie, tak i chočacca niešta skazać».
Atrymałasia tak, što ŭ Słavy zavirusilisia niejkija inšyja žarty pra Turcyju — da ich dadavali tureckija subcitry i kidali ŭ tureckija pabliki.
— Ich pahladzieła niekalki miljonaŭ turkaŭ. I tyja, chto choć krychu viedaŭ ruskuju, navat da mianie na kancerty prychodzili. Typu «Vo daje!». Ja tady navat na siekundu padumaŭ: «A ja zmahu vyvučyć tureckuju i vystupać na joj?».
Jumorističieskoje napadienije #słavakomissarienko #stiendap
Kamisarenka pažartavaŭ, što, mahčyma, jaho potym navat paklikali b zdymacca ŭ tureckich sieryjałach. Ale razam ź miascovymi fanatami ŭ biełaruskaha komika źjavilisia i miascovyja chiejtary — i voś niechta ź ich pierakłaŭ žart pra Erdanaha na tureckuju i dasłaŭ u niejkija pravaachoŭnyja orhany. U vyniku tureckaje MUS patelefanavała arhanizataru kancertaŭ Kamisaranki i skazała: «Pieradajcie vašamu artystu, kab jon tak nie žartavaŭ».
— A ja jašče zhadaŭ, što Łukašenka časta prylataje da Erdahana ŭ Stambuł. Ja padumaŭ, heta ž kapiec, što budzie, kali jany ŭ razmovie heta zhadajuć. I Łukašenka taki: «Jon i pra ciabie ŭžo pačaŭ?! Jakaja skacina! Ja zaraz da Si Czińpina palaču, ja jamu ŭsio raskažu, što rychtujecca na jaho humarystyčny napad!».
Słava Kamisaranka: Ja ciapier žyvu adzin
Kamisaranka pra svoj šlub: U hetaj situacyi žachliva ŭsio
Ci zmoža štučny intelekt pisać žarty pra Łukašenku zamiest Słavy Kamisaranki? Komik pravieryŭ
«Mnie treba čakać VNŽ kryminalnika». Słava Kamisaranka raskazaŭ, kudy pierajazdžaje, i pažartavaŭ pra składanaści lehalizacyi
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary