Cichanoŭskaja padpisała damovu ab supracoŭnictvie pamiž Jeŭraparłamientam i demakratyčnymi siłami Biełarusi
Jeŭrapiejski parłamient upieršyniu padpisaŭ dakumient takoha kštałtu nie z aficyjnym uradam.
Padčas pracoŭnaha vizitu na Maltu Śviatłana Cichanoŭskaja i prezidentka Jeŭrapiejskaha parłamienta Rabierta Mietsoła padpisali damovu ab supracoŭnictvie pamiž Jeŭraparłamientam i biełaruskimi demakratyčnymi siłami. Jeŭrapiejski Parłamient upieršyniu padpisaŭ dakumient takoha kštałtu nie z aficyjnym uradam, paviedamlaje pres-słužba demakratyčnaj lidarki Biełarusi.
Damova dekłaruje damoŭlenaść pra nastupnyja supolnyja mety i napramki supracoŭnictva:
— raźvićcio ŭmovaŭ dla ažyćciaŭleńnia demakratyčnaha tranzitu ŭ Biełarusi, u tym liku praz akazańnie dapamohi demakratyčnym siłam i aktyvistam hramadzianskaj supolnaści, pravaabaroncam, niezaležnym ŚMI i prafsajuzam Biełarusi ŭ miežach prahramy EU4Belarus i praz naroščvańnie adukacyjnych inicyjatyvaŭ i mahčymaściaŭ;
— sadziejničańnie źmiakčeńniu mihracyjnych prablemaŭ dla biełarusaŭ za miažoj;
— pryciahnieńnie da adkaznaści ŭ ramkach mižnarodnych miechanizmaŭ pradstaŭnikoŭ režymu i asobaŭ, adkaznych za parušeńni pravoŭ čałavieka i złačynstvy suprać čałaviečnaści ŭ Biełarusi, a taksama za saŭdzieł u vajskovych złačynstvach suprać Ukrainy;
— zabieśpiačeńnie vyzvaleńnia palitviaźniaŭ u Biełarusi;
— manitorynh unutranaj situacyi ŭ Biełarusi, u pryvatnaści parušeńniaŭ pravoŭ žurnalistaŭ, pravaabaroncaŭ, aktyvistaŭ, NDA, represavanych. Taksama heta datyčycca sprobaŭ režymu lehitymizavać siabie praź fiktyŭnyja vybary i ŭdzieł u ahresii suprać Ukrainy;
— manitorynh vykanańnia pravoŭ i svabodaŭ biełarusaŭ za miažoj.
Kamientary