Cichanoŭskaja: Svabody presy ŭ Biełarusi niama, u krainie try z pałovaj dziasiatki viaźniaŭ-žurnalistaŭ
Siońnia Suśvietny dzień svabody presy. Biełaruś u suśvietnym rejtynhu apuściłasia na 167-je miesca z 180.
Z nahody hetaha dnia zrabiła zvarot Śviatłana Cichanoŭskaja, zaklikaŭšy padtrymlivać niezaležnuju presu.
«Niadaŭna ja pračytała ab tym, što žychary Mazyra i Pietrykava skardziacca na nieadramantavanyja darohi. A ŭ Žłobinie — na jamy kala dziciačych sadkoŭ. I choć my nie zaŭsiody zaŭvažajem naviny z rehijonaŭ, aśviatleńnie prablemaŭ važnaje dla tych, chto sutykajecca z abyjakavaściu miascovych uładaŭ. Kali struktury admachvajucca ad zvarotaŭ ludziej, to ŚMI i žurnalisty — adziny sposab pryciahnuć uvahu da prablemy. Mienavita tamu režym staranna źniščaje «čaćviortuju ŭładu» — bo pieršyja try jon užo padparadkavaŭ sabie», — zaznačaje demakratyčnaja lidarka Biełarusi.
«Siońnia — Suśvietny dzień svabody presy. I hetaj svabody ŭ Biełarusi niama. U krainie bolš za try dziasiatki žurnalistaŭ-palitviaźniaŭ: Łarysa Ščyrakova, Ihar Łosik, Maryna Zołatava, Kaciaryna Andrejeva i inšyja niezaležnyja žurnalisty niezakonna znachodziacca ŭ turmie za toje, što sumlenna i niepraduziata vykonvali svaju pracu.
Darahija žurnalisty! Dziakuj, što niahledziačy na składanaści, ź jakimi biełaruskija ŚMI sutykalisia hetyja hady, vy praciahvajecie havaryć praŭdu. Kali na ekranach u Biełarusi amal uvieś efirny čas zajmaje paradak režymu, vy dajacie ludziam mahčymaść bačyć padziei biez chłuśni i manipulacyjaŭ. Dziakujučy vam biełarusy i biełaruski nie zastalisia sam-nasam z prapahandaj. Pakul režym ustaloŭvaje cenzuru, jany praciahvajuć čytać niezaležnyja miedyja», — dadała jana.
Pa słovach Cichanoŭskaj, u baraćbie za svabodu słova i demakratyčnyja kaštoŭnaści, žurnalistyka — adzin z najvažniejšych instytutaŭ.
«I my pavinnyja jaho źbierahčy. Čytajcie i padtrymlivajcie našyja ŚMI, kali heta biaśpiečna. Dzialiciesia cikavymi materyjałami i miedyjaprajektami, prynamsi kali vy za miažoj. Bo režym nie maje prava ŭkazvać, jak dumać biełarusam!» — reziumuje Śviatłana Cichanoŭskaja.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj51
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary
A tut ty vyskočiła , kak čiort iz tabakierki