Mižnarodny kryminalny sud moža chutka raspačać pieraśled Nietańjachu — The Times
Pa infarmacyi ahienctva, hety krok moža być realizavany ŭžo chutkim časam i zakranie nie tolki samoha izrailskaha premjera, ale taksama kiraŭnictva CACHAŁ i inšych siłavych viedamstvaŭ Izraila. Nietańjachu ŭžo adreahavaŭ.
Pavodle ahienctva The Times, na nastupnym tydni Mižnarodny kryminalny sud (MKS) vydaść ordary na aryšt izrailskaha premjera Bińjamina Nietańjachu, ministra abarony krainy Joava Hałanta, načalnika hienštaba Armii abarony Izraila (CACHAŁ) Chiercy Cha-Levi i inšych vysokapastaŭlenych vajskovych čynoŭnikaŭ.
Aficyjnaja pryčyna patencyjnaha pieraśledu — vajskovyja dziejańni Izraila ŭ siektary Haza, piša The Times.
Sam Nietańjachu ŭ adkaz zajaviŭ, što «nijakija rašeńni MKS nie paŭpłyvajuć na dziejańni i płany Izraila, ale stvorać niebiaśpiečny precedent».
«Pad maim kiraŭnictvam Izrail nikoli nie dapuścić padryvu svajho asnoŭnaha prava na samaabaronu z boku Mižnarodnaha kryminalnaha sudu», — adznačyŭ Nietańjachu.
Kamientary