Upieršyniu «alenievaja zombi-chvaroba» mahła pieradacca ludziam. Jość dvoje zahinułych, u jakich byli prypadki ahresii
Navukoŭcy miarkujuć, što zmahli zafiksavać pieršyja vypadki pieradačy ludziam śmiarotnaj chvaroby, jakaja robić mlekakormiačych ź siamiejstva alenievych padobnymi da žyvych mierćviakoŭ i ad jakoj nie isnuje lekaŭ. Scenar raspaŭsiudžvańnia takoj chvaroby siarod ludziej ličyŭsia amal niemahčymym.
Jak piša vydańnie Daily Mail sa spasyłkaj na navukovy časopis Neurology, u śviecie mahli adbycca pieršyja vypadki zaražeńnia ludziej chvarobaj «aleniaŭ-zombi» (pa-navukovamu — chvarobaj chraničnaha źniasileńnia, Chronic Wasting Disease, CWD), uzbudžalnikam jakoj źjaŭlajucca pryjony. Heta anamalnyja białki, jakija raźjadajuć mozh žyvych istot.
Pieršymi mahčymymi achviarami CWD stali dva palaŭničyja z ZŠA, jakija źjeli infikavanuju aleninu. Vyratavać ich nie ŭdałosia.
Daśledčyki adznačajuć, što abodva pacyjenty pastupili ŭ balnicy ŭ 2022 hodzie. U adnaho ź ich, 72-hadovaha mužčyny, paśla infikavańnia rezka pahoršyŭsia stan: jon staŭ ahresiŭny, u jaho vyjavilisia simptomy demiencyi. Praź miesiac jon pamior, i jamu byŭ pastaŭleny dyjahnaz chvaroby Krejcfielta-Jakaba — taksama nievylečnaha i całkam śmiarotnaha pryjonnaha zachvorvańnia, jakoje źviazana z karovinym šalenstvam.
Druhi pacyjent paśla śmierci atrymaŭ taki ž dyjahnaz, ale ciapier, z pryčyny adkryćcia navukoŭcaŭ, ich dyjahnazy mohuć być pierahledžany na karyść alenievaj «zombi-chvaroby».
«Roźnicu pamiž uzbudžalnikami CWD i chvaroby Krejcfielta-Jakaba niemahčyma vyznačyć biez detalovaha i hłybokaha analizu. Abodva palaŭničyja jeli infikavanaje CWD miasa aleniaŭ, i simptomy ŭ ich vyjavilisia padobnyja.
My, kaniečnie, nie možam całkam śćviardžać, što mužčyny zarazilisia mienavita CWD, adnak u łabaratornych umovach alenievaja «zombi-chvaroba» zmahła pieradacca i inšym vidam žyvioł, što kaža na karyść mahčymaści zaražeńnia ludziej», — zajavili navukoŭcy.
Pavodle zvyčajnych acenak i mierkavańniaŭ, alenievaja «zombi-chvaroba» raspaŭsiudžvajecca tolki siarod žyvioł siamiejstva alenievych, traplajučy da ich u mozh i pavolna źniščajučy jaho. U zaražanych žyvioł źnikaje strach pierad ludźmi, a taksama źjaŭlajucca «pusty pozirk», mlavaść, chudarlavaść, praźmiernaje ślinavydzialeńnie, dziŭnyja chaatyčnyja ruchi.
Akramia hetaha, chvaroba źjaŭlajecca vielmi ŭstojlivaj da dezynfiekcyjnych srodkaŭ, radyjacyi i ekstremalna vysokich tempieratur.
Za apošnija hady patahien paśpieŭ raspaŭsiudzicca na 31 štat ZŠA, Kanadu, Narviehiju, Finlandyju, Šviecyju, Paŭdniovuju Kareju i Rasiju.
Praź niemahčymaść lačeńnia CWD lubyja zaražanych asobin zabivajuć, a ich cieły spalvajuć. Pierad hetym zony raspaŭsiudžvańnia chvaroby apieratyŭna łakalizujucca, adnak nie zaŭsiody atrymlivajecca adsačyć vypadki zaražeńnia, bo simptomy časta vyjaŭlajucca tolki praz hod paśla traplańnia pryjonaŭ u arhanizm žyvioł.
U Śjera-Leone abviaścili nadzvyčajnaje stanovišča z-za «zombi-narkotyka», zroblenaha z čałaviečych kostak
U Arhiencinie zafiksavali chvarobu, ź jakoj nichto ŭ śviecie nie sutykaŭsia amal 30 hadoŭ
«Usie jany niebiaśpiečnyja dla čałavieka». U Kitai znajšli 8 novych virusaŭ, jakija pahražajuć čałaviectvu
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu44
Kamientary