U Śjera-Leone abviaścili nadzvyčajnaje stanovišča z-za «zombi-narkotyka», zroblenaha z čałaviečych kostak
Prezident krainy ŭžo paraŭnaŭ situacyju z epidemijaj Eboły i zahadaŭ uzmacnić achovu mohiłak.
Ułady Śjera-Leone ŭviali nadzvyčajnaje stanovišča z-za bieskantrolnaha ŭžyvańnia ŭ krainie tannaha i papularnaha siarod hramadzian sintetyčnaha narkotyku «Kuš», hałoŭnym kampanientam jakoha źjaŭlajucca zdrobnienyja čałaviečyja kostki, paviedamlajuć ahienctva Bi-bi-si i inšyja suśvietnyja miedyja.
Pa aficyjnaj infarmacyi, kolkaść špitalizacyj z-za «Kuša» ŭ pieryjad z 2020 pa 2023 hod vyras ažno na 4000%, a kolkaść zahinułych vyličajecca «jak minimum sotniami». Asnoŭnaja častka zahinułych — maładyja chłopcy ŭzrostam da 25 hadoŭ.
Prezident krainy Džulius Maada Bija zahadaŭ nieadkładna abarvać łancužki pastavak i vytvorčaści narkotyka ŭ krainie, stvaryć centry pa dohladzie i reabilitacyi paciarpiełych, a taksama ŭzmacnić achovu mohiłak, bo mienavita tam dylery i zvyčajnyja narkamany stali masava zdabyvać asnoŭny inhredyjent dla «Kuša».
Adnak, jak adznačaje Bi-bi-si, niekatoryja abščyny Śjera-Leone niezadavoleny pavolnaj reakcyjaj uładaŭ na kryzis i «časam biaruć zakon u svaje ruki», zmahajučysia z raskradalnikami mahił i narkamanami «hrubaj siłaj».
Sam pa sabie «Kuš» źjaŭlajecca sumieśsiu psichatropnych rečyvaŭ. Narkotyk vyklikaje mocnuju zaležnaść, a taksama rost jazvaŭ na ciele z admirańniem kaniečnaściaŭ.
Akramia hetaha, «Kuš» vyklikaje stan praciahłaha hipnatyčnaha kajfu, jaki pryvodzić da fatalnaha razbureńnia psichiki čałavieka. Niekatoryja vidavočcy i tyja, chto sprabavaŭ narkotyk sam, apisvajuć pavodziny narkamanaŭ, byccam jany stali «zombi».
«Z aeraporta pryjšłosia vybiracca na łodcy». Biełaruska praviała niekalki miesiacaŭ u Śjera-Leone i raskazvaje, što tam i jak
«Kultura Biełarusi vielmi padobnaja da tradycyj rodnaj Afryki». Inšaziemny tancor, jaki žyvie ŭ Minsku, raskazaŭ, za što lubić Biełaruś
«Usie jany niebiaśpiečnyja dla čałavieka». U Kitai znajšli 8 novych virusaŭ, jakija pahražajuć čałaviectvu
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary