Žyhimont i Bondarava źvinavacili Tura ŭ ideałahičnaj dyviersii
Što im nie spadabałasia?
Temaj novaha vypusku aŭtarskaha cykła Ihara Tura «Prapahanda» stali «Łukašenka i Pucin: siabravać nielha vajavać — ci sapraŭdy Biełaruś siadzić na dvuch kresłach».
Prapahandyst adkazaŭ na pytańnie «ura-patryjotaŭ», čamu Biełaruś nie ŭstupiła ŭ vajnu z Ukrainaj razam z Rasijaj. Tur zaŭvažyŭ, što ad rasijskaj častki aŭdytoryi, jakaja nie zusim dobra raźbirajecca ni ŭ vajskovaj spravie, ni ŭ tym bolš palitycy, časam hučyć niešta typu: «Maskva ž tak šmat usiaho robić dla Minska, a Minsk byccam by sprabuje ŭsiedzieć na dvuch kresłach — i siabravać i nie vajavać».
«Čaho, čaho, a hetaha ŭ Minska nikoli nie było, — śćviardžaje Tur. — Na samoj spravie hety stuł byŭ stabilnym uvieś čas pry Alaksandry Łukašenku. Heta sajuźnickija i brackija adnosiny z Rasijaj».
Vykazvańnie pra «stabilny stuł» nie spadabałasia praŭładnaj mastačcy Śviatłanie Žyhimont, jakaja ŭ svaim telehram-kanale pierapościła hetuju častku vystupu Tura z kamientaram: «Pierliny žurnalistyki koleru fuksii. Stabilny stuł… Mama darahaja. Vy tam zusim chiba što asłabieli, i nie razumiejecie sensu ŭstojlivaha vyrazu «stabilny stuł», ci heta dyviersija?»
Paźniej zapis z kanału Žyhimont pierapościła jaje siabroŭka Volha Bondarava.
Ihar Tur i ANT u cełym niedastatkova prarasijskija dla kołaŭ, što hurtujucca vakoł Azaronka i Bondaravaj — jany nie pieršy raz šukajuć da ich začepki.
«Choć usryciesia tam, a maje karciny ŭžo pajšli ŭ narod». Što nie padzialili Dziermant, Špakoŭski i Žyhimont?
«Strašna toje, što jany robiać u ramkach Sajuznaj dziaržavy». Suprać Bondaravaj i jaje kamandy vystupiŭ navat Mukavozčyk
«Bolšoj sbor russkomu hieroju». Mastačka Žyhimont źbirała hrošy na nacysta
Kamientary