«Bolšoj sbor russkomu hieroju». Mastačka Žyhimont źbirała hrošy na nacysta
Śviatłana Žyhimont, jakaja zrabiła sabie imia na pastaralach z Alaksandram Łukašenkam, zarepościła ŭ svaim telehram-kanale zbor hrošaj na «rasijskaha hieroja Michaiła «Pitbula» Turkanava».
Mikałaj Turkanaŭ vajuje ŭ składzie rasijskich vojskaŭ va Ukrainie. Pry hetym jon nie chavaje svaich nacysckich simpatyj u sacyjalnych sietkach.
Na ciele ŭ jaho jość tatu svastyki i nadpis «Idu na vy», što aznačaje ŭ pierakładzie sa starasłavianskaj «Idu na vas», jaki adsyłaje da staražytnaruskich letapisaŭ.
Za ŭdzieł u napadzie na Ukrainu Mikałaj Turkanaŭ uznaharodžany rasijskim ordenam Mužnaści. Da hetaha mužčyna byŭ bajcom MMA, rehularna ŭdzielničaŭ u bojkach pamiž rasijskimi futbolnymi fanatami, a taksama siadzieŭ u turmie na praciahu 5 hadoŭ za «vykradańnie čałavieka» i «vymahańnie».
Rasijskaja i łukašenkaŭskaja prapahanda vystaŭlajuć ukraincaŭ nacystami i hetym apraŭdvajuć uvarvańnie va Ukrainu. Čaplajucca pry hetym da postaci Ściapana Bandery i histaryčnaj acenki Arhanizacyi ŭkrainskich nacyjanalistaŭ, jakaja viała baraćbu za niezaležnaść Ukrainy ŭ pieršaj pałovie XX stahodździa, vykarystoŭvajučy hvałtoŭnyja mietady, u tym liku i razharnuła partyzanskaje zmahańnie suprać savieckaj akupacyi.
Nasamreč, nieanacysckija pohlady, jak i antysiemityzm, ksienafobija, raspalvańnie varožaści pa nacyjanalnaj prykmiecie, čaściej sustrakajucca ŭ Rasii i Biełarusi, čym va Ukrainie, demakratyčnaj dziaržavie.
Paśla taho jak na repost mastački źviarnuli ŭvahu miedyja, jana jaho vydaliła.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary
mužyki, vy šo - usie takija kamanduny?