Radzina paraiła Ukrainie nanosić udary pa vajskovych abjektach i NPZ u Biełarusi. Paźniak rezka adreahavaŭ
Pra što razmova?
U niadaŭnim efiry ŭkrainskaha Radio NV viadučy spytaŭ Natallu Radzinu pra zakonnyja vajennyja celi na terytoryi Biełarusi i pry jakich umovach pa ich mahli b udaryć. Radzina adkazała, što heta rašać ukrainskamu boku.
«Ja liču, što ŭ ciapierašniaj situacyi nie treba čakać, pakul ružžo, jakoje visić na ścianie, vystralić, a treba dziejničać usio-taki previentyŭna. Treba razumieć, što Łukašenka niebiaśpiečny, daviarać jamu nielha, nijakija damoŭlenaści ź im nie spracujuć i nieabchodna dziejničać previentyŭna. To-bok pačynajučy z taho, što razumieć, što nanosić udary pa vajskovych abjektach, pa rasijskich vajskovych abjektach, pa tych ža NPZ, pracujučych siońnia na rasijski VPK — heta sapraŭdy zakonna i Ukraina maje na heta prava».
Radzina dadała, što varta taksama stvarać dyviziju ź biełarusaŭ na bazie Pałka Kalinoŭskaha.
Jana adznačyła ŭ efiry, što joj impanuje prapanova historyka Juryja Fielšcinskaha — «u suviazi z tym, što ŭzrovień pahroz z terytoryi Biełarusi niejmavierna vyras, u tym liku z-za raźmiaščeńnia rasijskaj taktyčnaj jadziernaj zbroi, treba dumać, kab previentyŭna ŭvieści ŭ Biełaruś vojski NATA».
Zianon Paźniak adreahavaŭ na jaje słovy.
«Hijeny prapahandy. Pahladzicie, što havorać hetyja «siabry» Biełarusi z «Chartyi» — napisaŭ palityk.
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary