Źbirajucca pašyryć žyllovuju ipateku dla tych, chto nie maje prava na dziaržpadtrymku
Na naradzie z udziełam premjer-ministra Biełarusi Ramana Hałoŭčanki znoŭ abmiarkoŭvali ŭdaskanaleńnie padychodaŭ da zabieśpiačeńnia hramadzian žyllom. Ciapier siarod prapanoŭ značycca pašyreńnie ŭ Biełarusi ipatečnaha kredytavańnia, piša Myfin.by.
Pa słovach Ramana Hałoŭčanki, z momantu apošniaj narady pa žyllova-budaŭničaj temie asablivyja hrupy zajmalisia prapracoŭkaj nastupnych kankretnych pytańniaŭ:
- vyčlanieńnie prablem, jakija strymlivajuć raźvićcio ipatečnaha kredytavańnia, i pošuk rašeńniaŭ pa ich likvidacyi;
- analiz metazhodnaści ŭzmacnieńnia dziaržpadtrymki ŭ budaŭnictvie dla nasielenych punktaŭ mienš čym z 80 tys. žycharoŭ;
- zabieśpiačeńnie roznych katehoryj hramadzian arendnym abo sacyjalnym žyllom.
Jak raskazaŭ ministr architektury i budaŭnictva Rusłan Parchamovič, u chodzie pasiadžeńnia abmiarkoŭvałasia karektavańnie padychodaŭ pa pastanoŭcy na ŭlik majučych patrebu, a taksama mahčymaści pa ŭzmacnieńni pazicyj ipatečnaha kredytavańnia ŭ Biełarusi.
Ministr zajaviŭ, u Biełarusi isnujuć surjoznyja instrumienty dla dziaržaŭnaj padtrymki hramadzian u śfiery budaŭnictva. Pry hetym peŭnaja častka nasielnictva, jakaja maje patrebu ŭ palapšeńni žyllovych umoŭ, nie maje prava na atrymańnie dziaržpadtrymki ŭ tym vyhladzie, u jakim jana zaćvierdžanaja dziejnym zakanadaŭstvam.
«Jakraz voś hetaja častka nasielnictva i razhladajecca ŭ jakaści patencyjnaha spažyŭca ipatečnaha praduktu», — adznačyŭ ministr.
Raniej premjer-ministr Raman Hałoŭčanka adznačyŭ nieabchodnaść źmieny padychodaŭ da zabieśpiačeńnia hramadzian žyllom z-za taho, što ŭ śfiery budaŭnictva paznačylisia niekatoryja składanaści — pa jaho słovach, asabliva heta tyčycca ŭźviadzieńnia žylla ź dziaržpadtrymkaj.
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary