Збіраюцца пашырыць жыллёвую іпатэку для тых, хто не мае права на дзяржпадтрымку
На нарадзе з удзелам прэм'ер-міністра Беларусі Рамана Галоўчанкі зноў абмяркоўвалі ўдасканаленне падыходаў да забеспячэння грамадзян жыллём. Цяпер сярод прапаноў значыцца пашырэнне ў Беларусі іпатэчнага крэдытавання, піша Myfin.by.
Па словах Рамана Галоўчанкі, з моманту апошняй нарады па жыллёва-будаўнічай тэме асаблівыя групы займаліся прапрацоўкай наступных канкрэтных пытанняў:
- вычляненне праблем, якія стрымліваюць развіццё іпатэчнага крэдытавання, і пошук рашэнняў па іх ліквідацыі;
- аналіз мэтазгоднасці ўзмацнення дзяржпадтрымкі ў будаўніцтве для населеных пунктаў менш чым з 80 тыс. жыхароў;
- забеспячэнне розных катэгорый грамадзян арэндным або сацыяльным жыллём.
Як расказаў міністр архітэктуры і будаўніцтва Руслан Пархамовіч, у ходзе пасяджэння абмяркоўвалася карэктаванне падыходаў па пастаноўцы на ўлік маючых патрэбу, а таксама магчымасці па ўзмацненні пазіцый іпатэчнага крэдытавання ў Беларусі.
Міністр заявіў, у Беларусі існуюць сур'ёзныя інструменты для дзяржаўнай падтрымкі грамадзян у сферы будаўніцтва. Пры гэтым пэўная частка насельніцтва, якая мае патрэбу ў паляпшэнні жыллёвых умоў, не мае права на атрыманне дзяржпадтрымкі ў тым выглядзе, у якім яна зацверджаная дзейным заканадаўствам.
«Якраз вось гэтая частка насельніцтва і разглядаецца ў якасці патэнцыйнага спажыўца іпатэчнага прадукту», — адзначыў міністр.
Раней прэм'ер-міністр Раман Галоўчанка адзначыў неабходнасць змены падыходаў да забеспячэння грамадзян жыллём з-за таго, што ў сферы будаўніцтва пазначыліся некаторыя складанасці — па яго словах, асабліва гэта тычыцца ўзвядзення жылля з дзяржпадтрымкай.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м63
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары