29 sakavika a 15-j hadzinie pamierła Leta Justynovič. Hetuju minijaciurnuju minčanku ŭ vyšyvanym adzieńni i karunkavaj palarynie ŭ tvar viedali tysiačy ludziej, choć jana nie z tych, kaho pakazvali pa telebačańni.
Leta Justynovič naradziłasia ŭ Minsku ŭ 1939 hodzie. Hadavałasia biez baćki, bo jon, pa prafiesii inžynier, zahinuŭ 12 sakavika 1940 hoda na saviecka-finskaj vajnie. Maci była nastaŭnicaj.
Adukacyju Leta atrymlivała ŭ minskim Politechničnym instytucie. Paśla jaho zakančeńnia pajechała pracavać u sibirski Brack, ale praź piać hadoŭ viarnułasia na radzimu, kab zastacca na joj nazaŭsiody.
Viadomaj žančyna stała tamu, što, jak sama kazała ŭ 2009 hodzie, «u 1989-m, kali pačałosia Adradžeńnie, ja kinułasia ŭ jaho z hałavoj. Hetyja dvaccać hadoŭ im i žyvu».
Dziesiatki hadoŭ jaje možna było bačyć praktyčna na ŭsich apazicyjnych akcyjach, jakija adbyvalisia ŭ Minsku — i na bujnych, i na drobnych. Daloka nie kožny ź inšych ich udzielnikaŭ viedaŭ, jak jaje zavuć, ale ŭ tvar paznavali tysiačy ludziej. Jana była sapraŭdnym simvałam i ŭvasableńniem biełaruskaha nacyjanalnaha i demakratyčnaha ruchu.
Pachavańnie Lety Justynovič projdzie ŭ subotu, 30 sakavika, a 13-j hadzinie ŭ Łosku na Vałožynščynie. U hetaj vioscy žyvie jaje dačka.
Čytajcie taksama:
Pamior kaliści viadomy błohier Ciełahrejkin
Pamior biełarus Alim Kašavaraŭ, jaki hieraična ratavaŭ ludziej u «Krokus Sici Chole»
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram8
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Hetaja žančyna była adnoj z tych, jakija atačyli kołam i nia dali pryniać miantam, kali tyja kinulisia, kab mianie schapić padčas adnaho z šeściaŭ. Niachaj Pan Boh pryjmie tvaju dušu ŭ svajo Vaładarstva dzie ŭsie śviatyja spačyvajuć.
RIP