39 nobieleŭskich łaŭreataŭ, uklučna sa Śviatłanaj Aleksijevič, zaklikali ŭzmacnić padtrymku Ukrainy i nie pryznavać Pucina prezidentam
39 nobieleŭskich łaŭreataŭ zaklikali suśvietnuju supolnaść uzmacnić padtrymku Ukrainy ŭ adbićci rasijskaha ŭvarvańnia, padtrymać demakratyčnuju apazicyju ŭ Rasii i nie pryznavać Uładzimira Pucina prezidentam krainy. Zvarot apublikavany na sajcie navukovaha vydańnia «T-invaryjant».
«Vajna va Ukrainie i zabojstva Alaksieja Navalnaha tyčacca nie tolki Rasii i Ukrainy. Režym Pucina pakazaŭ, što jon ujaŭlaje saboj pramuju i vidavočnuju pahrozu ŭsiamu čałaviectvu, — havorycca ŭ tekście. — Čałaviectva zdolna paźbiehnuć samaźniščeńnia tolki pry vykanańni pryncypaŭ demakratyi i mižnarodnaha zakanadaŭstva ŭ halinie pravoŭ čałavieka. Režym Pucina cynična ich rastaptaŭ… My zaklikajem suśvietnych lidaraŭ i ŭsich ludziej dobraj voli admovicca ad jakich-niebudź iluzijaŭ adnosna spadara Pucina i jahonaha złačynnaha režymu».
U tekście padkreślivajecca, što ab pahrozie Pucina śviet papiaredžvali Navalny i inšyja lidary rasijskaj apazicyi, «prytrymlivajučysia ich vialikaha papiarednika», łaŭreata Nobieleŭskaj premii miru 1975 hoda akademika Andreja Sacharava. Dla ŭmacavańnia «nadziej rasijanaŭ na demakratyčnuju budučyniu» aŭtary prapanujuć zabiaśpiečyć pieramohu Ukrainy ŭ vajnie z Rasijaj.
Tekst padpisali 16 łaŭreataŭ Nobieleŭskaj premii pa fizijałohii i miedycynie, 9 łaŭreataŭ premii pa fizicy, 6 pa chimii, čatyry łaŭreaty premii pa litaratury i try łaŭreaty premii miru.
Numaram adzin u śpisie idzie nobieleŭskaja łaŭreatka pa litaratury Śviatłana Aleksijevič.
26 nobieleŭskich łaŭreataŭ patrabujuć vyzvalić biełaruskich palitviaźniaŭ. Jany zaklikali zakryć hruzavy čyhunačny ruch praź miežy Biełarusi i ES
«Ujaŭlajecie, mnie nobieleŭski łaŭreat nios matrac!» Eks-palitźniavolenaja — pra sustrečy z Rabkovaj i Bialackim
Aleksijevič: Novy Hitler z novymi technałohijami strašniejšy za toje, što my viedajem z historyi
Ciapier čytajuć
Viadučy STB Raman Pratasievič pabraŭsia šlubam trecim razam15
Kamientary