«Spracavali chirurhična». Kiraŭnik SBU pryznaŭ datyčnaść Ukrainy da paškodžańnia rasijskaha samalotu ŭ Mačuliščach
Dla dyviersii vykarystali dva drony.
Kiraŭnik Słužby biaśpieki Ukrainy Vasil Maluk zajaviŭ, što rasiejski samalot A-50, jaki znachodziŭsia na aeradromie ŭ Mačuliščach, u lutym 2023 hoda paškodzili ŭ vyniku dyviersijnaj apieracyi Słužby biaśpieki Ukrainy, piša Radyjo Svaboda.
«U Biełarusi spracavali na aeradromie Mačuliščy. A-50 — rasiejski varožy samalot, jaki ažyćciaŭlaŭ hłybokuju radyjołakacyju pa terytoryi Ukrainy. Jaho adpaviedna dyviersijna adpracavali i paškodzili radyjołakacyjnuju sistemu, i (jakuju) vyvieli absalutna nazaŭždy z ładu», — skazaŭ Vasil Maluk u intervju ŭkrainskamu telekanału ICTV.
Kiraŭnik SBU dadaŭ, što dla dyviersii vykarystali dva drony.
«A-50, letaś, Mačuliščy, Biełaruś. Chirurhična spracavali pa antenie. Apieratyŭny skład na svaim słenhu patelniaj jaje nazyvaŭ. […] Dva adpaviednyja našyja udarnyja drony, jany nanieśli paśpiachovaje ahniavoje paražeńnie», — dadaŭ Vasil Maluk.
26 lutaha 2023 hoda ŭ haradskim pasiołku Mačuliščy pad Mienskam adbyłasia dyversija. Na vajskovym aeradromie prahučali dva vybuchi. Z dapamohaj dronaŭ padarvali i vyvieli sa stroju rasiejski samalot dalokaj raźviedki A-50.
Peŭny čas ułady Biełarusi admaŭlali hety incydent, ale paźniej pryznali i praviali antydyviersijnuju aperacyju.
Pad «začystku» trapili sama mieniej 614 čałaviek, pavodle pravaabaroncaŭ «Viasny». U ich rabili pieratrusy, zatrymlivali, dapytvali. Častku paźniej adpuścili. Pad pieraśled trapili tyja, chto prachodziŭ u administracyjnych palityčnych artykułach paśla 2020 hoda. Pa słovach supracoŭnikaŭ «Viasny», zatrymlivali ludziej jak ź blizkich da Mačuliščaŭ rajonaŭ, tak i pa ŭsioj Biełarusi. Masavyja zatrymańni prajšli siarod psichaterapieŭtaŭ, rekanstruktaraŭ, strałkoŭ, strajkbalistaŭ. Peŭna, niekatoryja padazravanyja z takimi zaniatkami znachodziacca ciapier za miažoj.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju7
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie7474
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie74
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1818
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch18
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary