Грамадства88

«Спрацавалі хірургічна». Кіраўнік СБУ прызнаў датычнасць Украіны да пашкоджання расійскага самалёту ў Мачулішчах

Для дыверсіі выкарысталі два дроны.

Кіраўнік Службы бяспекі Украіны Васіль Малюк заявіў, што расейскі самалёт А-50, які знаходзіўся на аэрадроме ў Мачулішчах, у лютым 2023 года пашкодзілі ў выніку дыверсійнай аперацыі Службы бяспекі Украіны, піша Радыё Свабода.

«У Беларусі спрацавалі на аэрадроме Мачулішчы. А-50 — расейскі варожы самалёт, які ажыццяўляў глыбокую радыёлакацыю па тэрыторыі Украіны. Яго адпаведна дыверсійна адпрацавалі і пашкодзілі радыёлакацыйную сістэму, і (якую) вывелі абсалютна назаўжды з ладу», — сказаў Васіль Малюк у інтэрв'ю ўкраінскаму тэлеканалу ICTV.

Кіраўнік СБУ дадаў, што для дыверсіі выкарысталі два дроны.

«А-50, летась, Мачулішчы, Беларусь. Хірургічна спрацавалі па антэне. Аператыўны склад на сваім слэнгу патэльняй яе называў. […] Два адпаведныя нашыя ударныя дроны, яны нанеслі паспяховае агнявое паражэнне», — дадаў Васіль Малюк.

26 лютага 2023 года ў гарадскім пасёлку Мачулішчы пад Менскам адбылася дывэрсія. На вайсковым аэрадроме прагучалі два выбухі. З дапамогай дронаў падарвалі і вывелі са строю расейскі самалёт далёкай разведкі А-50.

Пэўны час улады Беларусі адмаўлялі гэты інцыдэнт, але пазней прызналі і правялі антыдыверсійную апэрацыю.

Пад «зачыстку» трапілі сама меней 614 чалавек, паводле праваабаронцаў «Вясны». У іх рабілі ператрусы, затрымлівалі, дапытвалі. Частку пазней адпусцілі. Пад пераслед трапілі тыя, хто праходзіў у адміністрацыйных палітычных артыкулах пасля 2020 года. Па словах супрацоўнікаў «Вясны», затрымлівалі людзей як з блізкіх да Мачулішчаў раёнаў, так і па ўсёй Беларусі. Масавыя затрыманні прайшлі сярод псіхатэрапеўтаў, рэканструктараў, стралкоў, страйкбалістаў. Пэўна, некаторыя падазраваныя з такімі заняткамі знаходзяцца цяпер за мяжой.

Каментары8

  • Пытаннечка
    26.03.2024
    А што на гэта Азараў?
  • даведка
    26.03.2024
    Не может этого быть... Я сразу написал о руке СБУ, а меня за это заклевали, говоря, что это партизаны ByPol.
  • Эх, мужыкі
    26.03.2024
    Значыць у байпол проста бабло распілілі

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны41

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць