Vynieśli prysud ajcišniku, zatrymanamu paśla ataki na samalot u Mačuliščach
Dźmitryja Mastavoha abvinavačvali ŭ zdradzie dziaržavie i sadziejničańni ekstremisckaj dziejnaści.
Pa hetych artykułach jamu pahražała da 15 hadoŭ pazbaŭleńnia voli. Spravu razhladaŭ Brescki abłasny sud, zaŭtra ŭ Viarchoŭnym sudzie budzie razhledžana apielacyja. Pasiedžańnie budzie zakrytaje. Na infarmacyju pra heta źviarnuŭ uvahu Reform.by.
Aficyjna pra prysud nie paviedamlałasia, ale jak daviedaŭsia Dissidentby, Dźmitryju dali 10 hadoŭ kałonii.
Dźmitryja Mastavoha zatrymali ŭ pačatku sakavika 2023 hoda. U filmie «Haspar na suviaź nie vyjšaŭ» na telekanale ANT, jaki vyjšaŭ 5 krasavika, śćviardžali, što Dźmitryj nibyta prapanoŭvaŭ «Biełaruskamu Hajunu» źlivać infarmacyju ab aeradromie: jon naładziŭ tranślacyju z noŭtbuka praz skajp, jana išła dva tydni bieź pierapynku. Jaho zatrymali, kali jon nibyta zabiraŭ kamieru sa schovanki. «Biełaruski Hajun» paźniej zajaviŭ, što Mastavy nie vioŭ dla ich tranślacyju.
Dźmitryju Mastavomu 45 hadoŭ. Jon rodam ź Sienicy, vučyŭsia ŭ Politechničnym kaledžy ŭ Minsku, prafiesijny prahramist.
Viadoma, što Dźmitryja zatrymlivali try hady tamu, u kastryčniku 2020 hoda, padčas pratestaŭ i asudzili na sutki.
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary