Čechija zakuplaje bojeprypasy dla Ukrainy, u tym liku ŭ sajuźnikaŭ Rasii
Čechija nabyła kala 800 tysiač artyleryjskich snaradaŭ ad roznych pastaŭščykoŭ pa ŭsim śviecie i znajšła jašče 700 tysiač, jakija možna nabyć dadatkova.
Havorka idzie pra 300 tysiač snaradaŭ savieckaha ŭzoru i kala 500 tysiač — zachodniaj vytvorčaści, piša Bi-bi-si.
Žurnalisty WSJ śćviardžajuć, što pastaŭščykami bojeprypasaŭ dla Čechii, jakija jana pieradaść Ukrainie, źjaŭlajucca sajuźniki Rasii. Praha nie havoryć, adkul prychodziać bojeprypasy.
Pa dadzienych WSJ, handlovyja pahadnieńni miarkujuć, što pastaŭki buduć ažyćciaŭlacca praz Čechiju ci trecija krainy, kab schavać suviaź pamiž krainami pachodžańnia i Ukrainaj i nie naklikać na pastaŭščyka hnieŭ Maskvy.
Ciapier užo apłačany pieršy tranš na 300 tysiač snaradaŭ, pryčym najbolšy ŭkład uniesła Niamieččyna.
Jak adznačajuć u češskim uradzie, pa miery pastupleńnia srodkaŭ budzie dastupna bolš snaradaŭ. Pieršyja pastaŭki va Ukrainu mohuć pačacca na praciahu bližejšych niekalkich tydniaŭ.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary