Siem praviłaŭ siabroŭstva, jakija zapatrabavanyja i ŭ kachańni

Siamiejnyja pary, jakija pražyli razam šmat hadoŭ, śćviardžajuć, što partnior — najlepšy siabar. Vyniki apytańnia amal 8 tysiač respandentaŭ u Vialikabrytanii pakazali, što zadavolenaść žyćciom była prykładna ŭ dva razy vyšejšaj siarod ludziej, jakija skazali, što ich suženiec byŭ taksama ich lepšym siabram.

Mietaanaliz vynikaŭ 112 daśledavańniaŭ paćvierdziŭ, što ramantyčnyja adnosiny stanoviacca macniejšymi i hłybiejšymi, kali partniory padtrymlivajuć i pavažajuć adzin adnaho ŭ pieršuju čarhu jak siabry.

Dajan Barf, psichołah i psichaanalityk, vyrašyła pravieryć, ci moža družba dapamahčy ŭmacavańniu šlubu.

Jana paprasiła niekalki par apisać u piaci-siami skazach, čaho jany čakajuć ad svaich siabroŭ. Zatym jany pavinny byli abmierkavać hetyja čakańni sa svaim sužencam, kab adkazać na pytańni: čamu jany hetaha čakajuć ad svaich siabroŭ? Što adbudziecca, kali ich siabar nie vykanaje «patrabavańni» i padviadzie ich? A što, kali sami aŭtary hetych paviedamleńniaŭ nie adpaviadajuć standartam?

U pracesie abmierkavańnia partniory vyjavili, što, pry najaŭnaści niekatorych adroźnieńniaŭ, ich śpisy šmat u čym padobnyja. Čaściej za ŭsio roźnica była tolki ŭ niepadabienstvie farmulovak: partniory apisvali padobnyja žadańni i patrabavańni, ale roznymi słovami. Časam razychodžańni tłumačylisia niejkimi ahulnymi ŭjaŭleńniami ab «mužčynskim» i «žanočym» padychodach da siabroŭstva. Žančyny čaściej adznačali, što siabry pavinny dzialicca prablemami, havaryć pra ich adzin z adnym, a mužčyny ličyli, što treba trymać usio ŭ sabie.

Zatym psichołah paprasiła partnioraŭ abmierkavać, jak apisanyja imi praviły siabroŭstva možna vykarystoŭvać u ramantyčnych adnosinach. Jana śćviardžaje, što šmat jakija pary byli azadačanyja takim pytańniem. Jany zrazumieli, što nie adnosiacca da svajho partniora z tym ža kłopatam i ŭvahaj, jak da svaich siabroŭ.

Psichołah prapanuje niekalki pravił ź siabroŭskaha «koda», jakija možna vykarystoŭvać u ramantyčnych adnosinach:

1. Siabry sumlennyja adzin z adnym, ale sumlennaść nie praduhledžvaje asudžeńnia i žorstkaści.
2. Siabry abaraniajuć adzin adnaho.
3. Siabry padtrymlivajuć adzin adnaho na šlachu da dasiahnieńnia metaŭ, jak asabistych, tak i prafiesijnych.
4. Siabry nie staviacca adzin da adnaho jak da prysłuhi ci padnačalenaha.
5. Siabry słuchajuć i čujuć adzin adnaho.
6. Siabry mohuć nie pahadžacca adzin z adnym, navat spračacca, ale jany nie prynižajuć adzin adnaho.
7. Siabry pavažajuć miežy adzin adnaho.

Psichołah adznačaje, što my nie pavinny adpaviadać hetamu śpisu. Ale treba pryznacca: hetyja praviły całkam słušnyja i apisvajuć jakasnyja, pryjemnyja dla ŭsich adnosiny.

Tamu składzicie svoj ułasny nabor praviłaŭ, a potym praviercie, jak jany pracujuć u siabroŭskich i ramantyčnych adnosinach. Budzie davoli dziŭna, kali vy zrazumiejecie, što da siabroŭ staviciesia bolš pabłažliva i dobrazyčliva, pavažajecie ich bolš, čym svaich partnioraŭ. Pasprabujcie vypravić hetuju niespraviadlivaść.

Čytajcie jašče:

Niekatoryja ludzi pakidajuć u našym mozhu ŭnikalny chimičny śled — navukoŭcy. Voś što heta mianiaje

Sacsietki achapiŭ «test apielsinavaj łupiny», jaki praviaraje adnosiny z partnioram na tryvałaść

Praviła «2-2-2» — prostaja kancepcyja ščaślivych adnosin

Piać moŭ kachańnia. Jakaja vašaja?

• 21
• 0
• 1
• 0
• 1
• 4
• 5
• 0