U Čalabinsku mabilizavanamu, jaki trojčy źbiahaŭ z častki, dali siem hadoŭ kałonii. Maci dvojčy viartała jaho ŭ armiju
Da siami hadoŭ kałonii ahulnaha režymu prysudzili mabilizavanaha, jaki trojčy samavolna pakidaŭ svaju častku, nie atrymaŭšy dazvoł kamandavańnia. Siaržant vinu pryznaŭ całkam, ale tłumačyć što-niebudź admoviŭsia, spasłaŭšysia na chvalavańnie. Zatoje vyśvietliłasia, što viarnuć syna na słužbu nieadnarazova sprabavała mama, piša 74.ru.
Pavodle materyjałaŭ kryminalnaj spravy, siaržanta pryzvali ŭvosień 2022 hoda padčas častkovaj mabilizacyi, a praz čatyry miesiacy jon upieršyniu źbieh z častki.
— Syn u dvaccatych datach lutaha prybyŭ dadomu i paviedamiŭ, što jamu dali zvalnieńnie, — raspaviała ŭ sudzie maci mabilizavanaha. — A zatym praź niekalki dzion źjechaŭ nibyta ŭ častku. U siaredzinie maja ad syna mnie stała viadoma, što jon znachodzicca ŭ svajho tavaryša. Akramia taho, ad kiraŭnika siała stała viadoma, što syna šukaje kamandavańnie častki.
19 maja maci asabista adviezła syna ŭ vajskovuju čaść, a 27 ci 28 maja jon znoŭ pryjechaŭ dadomu. Raspavioŭ, što jamu dali zvalnieńnie «ŭ suviazi z dniom naradžeńnia».
— Praź niekalki dzion syn źjechaŭ, skazaŭšy, što na słužbu, — skazała maci ŭ sudzie.
Praź miesiac jana daviedałasia, što syn uvieś hety čas znoŭ znachodziŭsia ŭ pryjaciela, i 26 červienia žančyna znoŭ adviezła jaho ŭ častku. U lipieni i žniŭni situacyja paŭtaryłasia, ale tady za siaržantam pryjechała vajskovaja palicyja i kamandavańnie častki. Jaho pryznali vinavatym u troch epizodach samavolnaha pakidańnia častki.
— Prysudam Mahnitahorskaha harnizonnaha vajskovaha suda šlacham častkovaha składańnia pakarańniaŭ kančatkova pryznačanaje pazbaŭleńnie voli na termin siem hadoŭ u papraŭčaj kałonii ahulnaha režymu, — paviedamili ŭ pres-słužbie suda. — Prysud nie ŭstupiŭ u zakonnuju siłu.
«50 tysiač pamiłavanych hałavarezaŭ». U Rasii amal pałova zekaŭ, jakija viarnulisia z vajny, viartajecca za kraty, dzie ich znoŭ viarbujuć
«Raśpiłoŭvać cynkavuju trunu bałharkaj — zaniatak nie dla słabaniervovych». Apovied aficera, jaki supravadžaŭ «hruz 200» pa Rasii
Rasija za dva hady straciła kala 83 tysiač zabitymi — analiz statystyki
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ3
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary