«Pryncesa i žabka» — animacyjnaja muzyčnaja kazka, namalavanaja ad ruki.
Pryncesa i žabka (The Princess and the Frog)
ZŠA, 2009, kalarovy, 88 chv.
Režysiory: Ron Klemients, Džon Maskier
Roli dublažujuć (na ruskuju movu): Hanna Buturlina, Stas Pjecha, Andrej Bialaŭski, Bili Novik, Ihar Bałałajeŭ, Łarysa Dolina
Žanr: Animacyjnaja muzyčnaja kazka
Adznaka: 6 (z 10)
Ciemnaskuraja dziaŭčyna Tyjana maryć adkryć svoj restaran dy šmat pracuje. Na karnavale jana znajomicca z žabkaj-pryncam, jakoha začaravaŭ zły viadźmak. Ale paśla pacałunku dziaŭčyna sama stajecca amfibijaj. Dva paŭzuny ŭviazvajucca ŭ niebiaśpiečnyja pryhody…
Karcina Rona Klemientsa i Džona Maskiera — amal zabytaja, namalavanaja ad ruki animacyja. U siońniašnija kamputarnyja časy studyja «Dysnej» vyrašyła ŭzhadać pra vytoki. Režysioram, jakija pracavali nad «Aładzinam» i «Rusałačkaj» heta pryjšłosia daspadoby.
Kłasičny kazačny siužet, amal nie pierakručany postmadernovymi ździekami. Abaviazkovyja paciešnyja piersanažy: zakachany ŭ zorku śviatlak i krakadził, jaki šaleje ad džazu (pratatyp — słynny džazmen Łui Armstronh). Hieroi śpiavajuć, tančać, hareziać.
Karcina nastalhuje pa Novamu Arleanu 20-ch, jašče nie razburanamu ŭrahanam Katryna. Palityka pratočvajecca ŭ film ścieniami i vobrazami: tata hieraini nahadvaje Baraka Abamu.
Aktualnaja i demakratyčnaja maral. Pryncam-łaviełasam varta vučycca pracavać. Žabkam-pracahaličkam — lubić.
Radaść, fiejervierki, viasielle.
Miłaja stužka, ale ŭ załatyja časy, namalavanyja Uołtam Dysnejem užo nie viernucca.
Ciapier čytajuć
«U nas jość płan, jak stać nastupnaj Finlandyjaj Uschodniaj Jeŭropy». Siarhiej Cichanoŭski vystupiŭ u Jeŭraparłamiencie31
Kamientary