Byłaja palitźniavolenaja śpiavačka Meryjem Hierasimienka vystupiła z kancertam u Varšavie
Biełaruskaja śpiavačka Meryjem Hierasimienka, jakaja siadzieła ŭ turmie za vykanańnie pieśni viadomaha ŭkrainskaha hurta «Okiean Jelzi», 16 lutaha vystupiła z kancertam u Varšavie, piša «Radyjo Svaboda».
Heta byŭ pieršy kancert śpiavački paśla zatrymańnia. Na im jana znoŭ vykanała pieśniu, za jakuju jaje zatrymali ŭ žniŭni 2022 hoda.
Taksama na kancercie prysutničaŭ Andrej Žuk, kolišni ŭładalnik minskaha bara «Banki-butyłki», pry jakim vystupała Hierasimienka.
«Za hetuju pieśniu razvalili ŭvieś biznes, pasadzili. Ale ničoha nie źmianiłasia, my dalej zastalisia pry svajoj dumcy. Mahčyma daviałosia dzieści prahnucca, ale my ŭsio ž taki vierym, što ŭ adzin dzień my vierniemsia dadomu, i śpiajem tam, i stancujem, i ŭsio budzie kłas», — skazaŭ Andrej Žuk.
Meryjem Hierasimienka zatrymali 4 žniŭnia 2022 hoda paśla kancertu kala minskaha bara «Banki-butyłki», dzie śpiavačka vykonvała pieśniu «Obijmi» hurta «Okiean Elzi» ŭ padtrymku Ukrainy. Fakt vykanańnia pieśni na ŭkrainskaj movie aburyŭ prapahandystaŭ.
Śpiavačku dvojčy asudzili na 15 sutak pavodle administracyjnaha artykuła. Paśla pierazatrymali ŭ miežach kryminalnaj spravy i źmiaścili ŭ SIZA.
20 studzienia 2023 hoda sudździa Viktoryja Šabunia prysudziła Meryjem Hierasimienka try hady «chatniaj chimii». A ŭ studzieni 2024 hoda stała viadoma pra toje, što «Bajsoł» evakuiravaŭ śpiavačku ź Biełarusi.
Andrej Žuk i jahonaja žonka Maryja tady taksama atrymali «chatniuju chimiju».
«Sił usim, dla kaho hetaja historyja akažacca asabistaj». Meryjem Hierasimienka prezientavała pieśniu, jakuju napisała ŭ SIZA
«Ciapier ja absalutna ščaślivaja, a ščaślivaja, tamu što volnaja». Meryjem Hierasimienka evakuiravali ź Biełarusi
Uładalnika bara «Banki-Butelki» i jaho žonku asudzili za ŭdzieł u maršach i vypuścili ź SIZA
Ciapier čytajuć
U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć14
Kamientary