Načalnik Hałoŭnaha ŭpraŭleńnia raźviedki Ukrainy nahadaŭ, što siońnia rasijanie ŭsio jašče majuć suchaputny kalidor u Krym, ale heta nienadoŭha.
Načalnik Hałoŭnaha ŭpraŭleńnia raźviedki Minabarony Ukrainy Kiryła Budanaŭ zajaviŭ, što Ukrainie budzie ciažej viarnuć Danbas, čym Krym, bo tam jość bieśpierapynnaja linija zabieśpiačeńnia, da jakoj rasijskija akupanty mohuć atrymać dostup ź luboha boku. Pra heta hienierał-lejtenant Budanaŭ paviedamiŭ u intervju vydańniu Liberation, piša Suspilne.
U toj ža čas Budanaŭ adznačyŭ, što «ŭsie, chto kaliści vałodaŭ Krymam, hučna i vyrazna kazali, što paŭvostraŭ — nieprystupnaja krepaść, i absalutna ŭsie stracili hetuju krepaść».
Načalnik Hałoŭnaha ŭpraŭleńnia raźviedki Ukrainy nahadaŭ, što siońnia rasijanie ŭsio jašče majuć suchaputny kalidor u Krym.
«Krymski most jašče staić, ale žyć jamu zastałosia niadoŭha. Nieabchodna vyrašyć dźvie stratehičnyja zadačy: adrezać suchaputny kalidor i razburyć Krymski most. Astatniaje — tolki pytańnie času. Paŭvostraŭ budzie viernuty. Z Danbasam składaniej», — padkreśliŭ hienierał-lejtenant.
Raniej Zialenski raspavioŭ pra mientalnuju deakupacyju.
U listapadzie 2023 hoda prezident Uładzimir Zialenski raspavioŭ, jak paśla vyzvaleńnia Danbasa i Kryma Ukraina płanuje mientalna viartać ludziej, jakija doŭhi čas pražyvajuć na časova akupavanych Rasiejaj terytoryjach.
Kiraŭnik ukrainskaj dziaržavy adznačyŭ, što ŭ hetym pytańni «situacyja z Danieckaj i Łuhanskaj abłaściami bolš składanaja, čym z Krymam, bo paśla akupacyi ŭ 2014 hodzie na Danbasie źjaviłasia kantaktnaja linija, dzie ŭvieś čas adbyvalisia bajavyja dziejańni z udziełam sieparatystaŭ, jakija vajavali na baku akupantaŭ».
«Krym vielmi čakaje viartańnia, i Danbas čakaje. Ale budzie nadzvyčaj składana, bo bolšaja častka hetaj terytoryi była akupavanaja i maksimalna militaryzavanaja. Ludzi išli na kantaktnuju liniju, a zatym na poŭnamaštabnuju vajnu suprać nas», — dadaŭ Zialenski.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY20
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary