KDB aryštavaŭ bolš za 20 aficeraŭ DFR — pad čystki trapili i antyhieroi 2020-ha
Ad troch infarmavanych surazmoŭcaŭ «Našaj Nivie» stali viadomy abstaviny «spravy DFR», jakaja ciapier razhortvajecca ŭ Biełarusi. Zatrymanyja dva dziasiatki staršych aficeraŭ Departamienta finansavych rasśledavańniaŭ Dziaržkantrolu. Asnoŭny ŭdar pryjšoŭsia na ŭpraŭleńnie pa Minskaj vobłaści i Minsku, a taksama na centralny aparat.
DFR — Departamient finansavych rasśledavańniaŭ pry Kamitecie dziaržaŭnaha kantrolu. Svojeasablivaja finansavaja milicyja, jakaja stała častkaj palityčnaj palicyi režymu Łukašenki, vykonvajučy zamovy pa likvidacyi biznesaŭ, pasadkach niaŭhodnych ci vyciskańni ich za miažu praz fabrykacyju ekanamičnych kryminalnych spravaŭ.
Tut.baj, Biełhazprambank, «Hryn», «Susiedzi» i mnohija-mnohija inšyja, kaho abo pasadzili, abo raspranuli — heta było zroblena rukami DFR, pa bolšaj častcy minskaha ŭpraŭleńnia. I voś uznaharody znajšli svaich hierojaŭ — praz čatyry hady paśla startu masavych represij z vobšukami pryjšli ŭ kabiniety samich rabotnikaŭ DFR.
Jak stała viadoma «Našaj Nivie» ad troch nie źviazanych miž saboj surazmoŭcaŭ, užo jak niekalki tydniaŭ KDB pravodzić aryšty aficeraŭ centralnaha aparatu DFR i ŭpraŭleńnia pa Minsku i Minskaj vobłaści ŭ ramkach rasśledavańniaŭ spraŭ pa 430 (atrymańnie chabaraŭ) i 424 (pieravyšeńnie słužbovych paŭnamoctvaŭ) artykułach.
«Pačałosia jak zvyčajna: uziali adnaho dziejača ź minskaha ŭpraŭleńnia z chabaram ad pradprymalnika za «vyrašeńnie pytańniaŭ». Toj pačaŭ zdavać inšych. Tak i raskručvajecca. Mocna praradzili minskaje ŭpraŭleńnie, ciapier iduć pa centralnym aparacie. Zatrymlivaje KDB», — paviedamiŭ nam daśviedčany surazmoŭca.
Nahadajem, niadaŭna Łukašenka pryznačyŭ vychadca z KDB Andreja Sambuka na pasadu kiraŭnika DFR.
«Naša Niva» — bastyjon biełaruščyny
PADTRYMAĆCiapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki43
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
😂😂
😂😂😂
😂😂😂😂
😂😂😂😂😂