Ź Biełarusi syšła kampanija Novo Nordisk. Što ciapier budzie z pastaŭkami insulinu?
U śniežni minułaha hoda ŭ Minsku zakryłasia pradstaŭnictva samaj darahoj farmaceŭtyčnaj kampanii Jeŭropy. Havorka idzie pra dackuju Novo Nordisk, jakaja vyrablaje preparaty ad dyjabietu. Office Life vyśvietliŭ, što ciapier budzie z pastaŭkami pradukcyi hetaj kampanii na naš rynak.
Zavod kampanii Novo Nordisk praciahvaje pracavać u Rasii, u Kałužskaj vobłaści. Ale jon zajmajecca vyklučna vypuskam insulinu dla ŭnutranaha rynku.
U Biełarusi było pradstaŭnictva dackaj kampanii, jakoje spyniła pracu ŭ śniežni 2023 hoda. Pradstaŭniki Novo Nordisk paćvierdzili Office Life, što fizičny ofis kampanii ŭ našaj krainie sapraŭdy zakryŭsia. Pry hetym, adnak, padkreślili, što «pa-raniejšamu praciahvajuć pastaŭki ŭ Biełaruś žyćciova važnych preparataŭ insulinu».
Pavodle źviestak centra ekśpiertyz i vyprabavańniaŭ u achovie zdaroŭja, na biełaruski rynak pastupaje insulin ad Novo Nordisk pieravažna dackaj vytvorčaści.
Dniami kapitalizacyja Novo Nordisk pieravysiła 500 młrd dalaraŭ. Za minuły hod akcyi kampanii padaraželi na 60%, i ciapier vytvorca lekaŭ ź ciažkaściu spraŭlajecca z popytam na preparaty Wegovy i Ozempic, jakija stali aktyŭna ŭžyvać dla pachudańnia.
Dacki farmhihant zachoplivaje śviet lekami ad atłuścieńnia, ale ekanomika Danii pad pahrozaj. Jak tak?
FT nazvała čałaviekam hoda kiraŭnika kampanii, jakaja raspracavała preparaty dla źnižeńnia vahi
Jak popyt u ZŠA na preparat dla pachudzieńnia pryvioŭ da rostu ekanomiki Danii
Čałaviectva staić na parozie pieramohi nad atłuścieńniem. I maje navatarski srodak ad dyjabietu
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary