Jak popyt u ZŠA na preparat dla pachudzieńnia pryvioŭ da rostu ekanomiki Danii
Farmaceŭtyčny siektar Danii pryvioŭ da značnaha rostu valutnych pastupleńniaŭ u krainu. U vyniku adznačajecca praficyt biudžetu krainy na rekordnym uzroŭni. Ale heta maje i niehatyŭnyja nastupstvy dla ekanomiki.
Jak piša Le Monde, farmaceŭtyčnaja pramysłovaść, ekspart jakoj raźviŭsia za dziesiać hadoŭ, stała adnym z hałoŭnych ruchavikoŭ ekanomiki Danii. Sam siektar u paraŭnańni z 2020 hodam vyras na tracinu.
Pośpiechi źviazanyja z dobrymi vynikami dackaj farmakałahičnaj kampanii Novo Nordisk. Prodaž preparatu dla pachudzieńnia Wegovy, jaki jana vypuskaje, pavialičyŭsia na 344% u pieršym paŭhodździ, imklivy rost prodažu pakazvaje supraćdyjabietyčny preparat Ozempic.
Pa danych Jeŭrastata, rynkavaja kapitalizacyja Novo Nordisk, jakaja pieravyšaje 300 miljardaŭ jeŭra, amal roŭnaja vałavomu ŭnutranamu praduktu Danii.
Takija vyniki pracy farmakałahičnaj haliny pryviali da rostu ekanomiki krainy. Danija pakazvaje stabilny rost VUP, jaki pieravyšaje siaredni ŭzrovień pa EC. Naprykład, u pieršym kvartale 2023 hoda jon skłaŭ 0,6% suprać 0,2% pa ES. Akramia taho, u krainie nazirajecca praficyt biudžetu ŭ pamiery 3,3% VUP, u toj čas jak u ES zafiksavany deficyt u 3,4%.
U toj ža čas rost popytu ŭ ZŠA na preparaty dla pachudzieńnia i ad dyjabietu, jakija vyrablajucca ŭ Danii, razhojdvaje dackuju hrašova-kredytnuju palityku. Hety dziŭny «efiekt matylka» ŭ makraekanamičnych vymiareńniach ekanomiki — vielmi kankretnaja dylema, ź jakoj u apošnija miesiacy sutyknuŭsia Nacyjanalny bank Danii.
Pośpiech farmakałahičnaha siektara pryvioŭ da kałasalnaha prytoku valuty ŭ krainu, što, u svaju čarhu, vyklikała rost koštu dackaj krony. Nacyjanalnamu banku davodzicca šukać sposaby, kab utrymać kurs dackaj krony adnosna jeŭra.
Dla hetaha ŭ apošnija miesiacy jon vystupaje aktyŭnym pakupnikom valuty, a taksama trymaje svaju pracentnuju staŭku nižejšaj, čym u Jeŭrapiejskaha centralnaha banka (3,35% suprać 3,75%), kab trochi prypynić inviestycyi ŭ krainu i źnizić popyt na kronu.
Ekśpierty taksama adznačajuć, što pośpiech farmaceŭtyčnaj pramysłovaści nie pavinien maskiravać ciažkaści ŭ inšych siektarach ekanomiki, spravy ŭ jakich iduć horš, čym u inšych krainach Jeŭropy.
Inšyja zaniepakojenyja tym, kab kraina nie stała zaležnaj ad adnoj kampanii, jak heta adbyłosia ŭ pačatku 2000-ch u Finlandyi, u ekanomicy jakoj daminavała Nokia, i krainie spatrebilisia hady na adnaŭleńnie paśla jaje padzieńnia.
Čytajcie jašče:
Danija choča źnizić uzrost dla abortaŭ biez zhody baćkoŭ da 15 hadoŭ
Fizičnyja praktykavańni ŭ maładości mohuć źnizić ryzyku raku na 40% — navukoŭcy
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary