Zdaroŭje

Fizičnyja praktykavańni ŭ maładości mohuć źnizić ryzyku raku na 40% — navukoŭcy

Novaje daśledavańnie pakazała, što źmieny ŭ ładzie žyćcia maładych ludziej mohuć dapamahčy pieraduchilić vypadki raku lohkich, piečani, straŭnika i nyrak.

Fizičnaja aktyŭnaść Physical activity Fizičieskaja aktivnosť
Lepšaja fizičnaja forma źnižaje ryzyku zachvorvańnia 9 z 18 vidaŭ raku. Fota: Akademija milicyi (Minsk)

Daśledčaja hrupa z Hioteborhskaha ŭniviersiteta praanalizavała vajskovyja i miedycynskija karty bolš za miljon šviedskich pryzyŭnikoŭ. 

Vysnovy daśledavańnia byli apublikavanyja ŭ Brytanskim časopisie spartyŭnaj miedycyny.

Analiz pakazaŭ, što ŭ tych, u kaho była lepšaja kardyjareśpiratornaja vynoślivaść u poźnim padletkavym uzroście i junactvie, byli bolš nizkija pakazčyki 9 z 18 vidaŭ raku roznaj łakalizacyi ŭ pažyłym uzroście.

Tak, šancy zachvareć na rak hałavy i šyi, stravavoda, straŭnika, padstraŭnikavaj załozy, piečani, kišečnika, nyrak ci lohkich akazalisia nižejšyja ŭ ludziej, jakija byli ŭ lepšaj fizičnaj formie ŭ maładości.

Kardyjareśpiratornaja vynoślivaść (CRF) pakazvaje, nakolki dobra serca, lohkija i źviazanyja ź imi sistemy pracujuć, kab dastaŭlać kisłarod da ciahlic u pieryjady ŭstojlivaj aktyŭnaści. Pryzyŭniki va ŭzroście ad 16 da 25 hadoŭ prachodzili testy CRF na viełatrenažorach u pieryjad z 1968 pa 2005 hod.

Daśledčyki vykarystoŭvali źviazanyja danyja šviedskaha rejestra zdaroŭja, kab vyśvietlić, u kaho ź ich byŭ dyjahnastavany rak na praciahu siaredniaha pieryjadu nazirańnia ŭ 33 hady. Adpaviedna im, u bolš čym 84 tysiač čałaviek raźviŭsia rak jak minimum u adnoj łakalizacyi.

Nižejšyja ryzyki, jakija vyjavili navukoŭcy, varjiravalisia ŭ zaležnaści ad raku. Tak, źnižeńnie vierahodnaści zachvareć na rak padstraŭnikavaj załozy składała 12% siarod ludziej z vysokim uzroŭniem fizičnaj padrychtoŭki ŭ paraŭnańni ź ludźmi ź nizkim uzroŭniem. Źnižeńnie ryzyki zachvareć na rak lohkich dla takich ludziej skłała 42%. Ryzyka była nižejšaj na 18% dla kišečnika, na 19% dla hałavy i šyi, na 20% dla nyrak, na 21% dla straŭnika, na 39% dla stravavoda i na 40% dla piečani.

Adnak vučonyja taksama vyjavili, što bolš vysokaja fizičnaja forma źviazana z bolš vysokaj ryzykaj raku prastaty i skury. Daśledčyki miarkujuć, što hetyja tendencyi mohuć być vyklikany bolš častym abśledavańniem na rak prastaty i vialikim uździejańniem soniečnaha śviatła.

Navukoŭcy taksama papiaredzili, što ŭ ich nie było dostupu da poŭnych danych ab takich faktarach, jak dyjeta, užyvańnie ałkaholu i kureńnie, i tamu jany nie mohuć poŭnaściu ich uličyć.

«Hetyja vyniki mohuć być vykarystanyja pry raspracoŭcy palityki ŭ halinie hramadskaj achovy zdaroŭja, što jašče bolš uzmocnić stymuł dla prasoŭvańnia mierapryjemstvaŭ, nakiravanych na pavyšeńnie kardyjareśpiratornaj vynoślivaści ŭ moładzi», — adznačajecca ŭ artykule.

Dadamo, što, adpaviedna rekamiendacyjam Suśvietnaj arhanizacyi achovy zdaroŭja, dla padtrymańnia zdaroŭja nieabchodna prynamsi ad 150 da 300 chvilin umieranaj aerobnaj aktyŭnaści ŭ tydzień (ci 75-150 chvilin ekvivalentnaj vysokaj fizičnaj nahruzki) dla ŭsich darosłych, i ŭ siarednim 60 chvilin umieranaj aerobnaj fizičnaj aktyŭnaści ŭ dzień dla dziaciej i padletkaŭ.

Fizičnaja aktyŭnaść moža ažyćciaŭlacca pry vykanańni pracy, zaniatku sportam, znachodžańni na adpačynku ci pry pierasoŭvańni (chadźba, jazda na rovary, skiejtach, samakacie), a taksama pry vykanańni štodzionnych abaviazkaŭ i pracy pa domie.

SAAZ adznačaje, što hłabalnyja acenki śviedčać ab tym, što 27,5% darosłych i 81% padletkaŭ nie vykonvajuć hetych rekamiendacyj.

Čytajcie jašče:

Voś što treba viedać pra fizičnuju aktyŭnaść, kali vaša meta — pachudzieć

Panizić arteryjalny cisk dapamohuć prostyja praktykavańni

Navukoŭcy: zamiest realnych trenirovak dla rostu muskułaŭ dastatkova prostaj vizualizacyi. Naš mozh usio zrobić biez nas

Kamientary

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

«Uratavali zatory». Studentka spaźniłasia na fatalny rejs Air India usiaho na 10 chvilin, i jaje nie puścili na bort3

Ajatała Chamieniei: Izrail adkaža za hetyja ataki3

Vyrašyŭ praskočyć pierakryžavańnie na vialikaj chutkaści i ledź nie źbiŭ dzicia2

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić