Inžyniery YouTube-kanała The Q pabudavali rovar z kvadratnymi kołami, jaki sapraŭdy jedzie. Ale nie zusim tak, jak možna sabie ŭjavić.
Transpartnyja srodki ź niakruhłymi kołami — nie zusim novaja ideja. Niekalki hadoŭ tamu papularnyja viadoŭcy Adam Sejvidž i Džejmi Chajnieman z prahramy «Razburalniki mifaŭ» madernizavali pikap z kvadratnymi kołami, na jakim naŭrad ci mahčyma było daloka pajechać.
Taksama Gizmodo ŭspaminaje rovary z trochkutnymi kołami, adzin ź jakich byŭ prademanstravany na fiestyvali Burning Man i mieŭ śpiecyjalna raspracavanuju ramu, što nivieluje lubyja rezkija ruchi, jakija adčuvaje ravaryst.
A ŭ Nacyjanalnym muziei matematyki ŭ Ńju-Jorku demanstravaŭsia navat trochkołavy rovar z kvadratnymi kołami, jaki, darečy, vydatna pracuje na śpiecyjalnaj pavierchni, pakrytaj šeraham idealna vypukłych niaroŭnaściaŭ. Zastałosia tolki pabudavać takija darohi — i možna vypraŭlacca vandravać.
Novaja ž raspracoŭka z kvadratnymi kołami vykarystoŭvaje zusim inšy padychod da prablemy. Kvadratnyja koły sami pa sabie nie kociacca, ale ich humovyja šyny byli razrezanyja i spałučany z čatyrma kamplektami rovarnych łancuhoŭ, kab stvaryć bieśpierapynny pratektar, jaki krucicca z vonkavaha boku kožnaha «koła». Pa sutnaści ŭ vyniku atrymaŭsia tank ź piedalnym pryvadam. Praces stvareńnia i test-drajv aŭtary prademanstravali ŭ videa.
Rezki vuhał piaredniaha koła ŭ 90 hradusaŭ nie dazvolić rovaru pieraadolvać pierasiečanuju miascovaść, jak heta robić sapraŭdny tank. Dy i śpiecyjalnaja sistema piedalaŭ nie vyhladaje tak, byccam ravarystu budzie prosta padymacca na ŭzhorki. Ale ž amatary kvadratnych formaŭ biassprečna zmahli b jeździć na hetym cudzie inžyniernaj dumki pa adnosna roŭnych pavierchniach.
Ciapier čytajuć
Daśledčyki znajšli miesca ŭ Biełarusi, dzie bazujecca «Arešnik»4
Daśledčyki znajšli miesca ŭ Biełarusi, dzie bazujecca «Arešnik»
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary