FT nazvała čałaviekam hoda kiraŭnika kampanii, jakaja raspracavała preparaty dla źnižeńnia vahi
Preparat Ozempic, raspracavany kampanijaj, jakuju ŭznačalvaje Łars Jorhiensen, prymianiajecca pry dyjabiecie 2-ha typu.
Adzin ź jaho spadarožnych efiektaŭ — źnižeńnie vahi. Pry hetym mnohija ludzi biez dyjabietu vykarystoŭvajuć jaho nie pa «dyjabietyčnym» pryznačeńni, a mienavita dla taho, kab skinuć lišniuju vahu, piša Meduza.io.
Wegovy — anałah Ozempic, zarehistravany mienavita dla źnižeńnia vahi. U 2023 hodzie Novo Nordisk dziakujučy prodažam Ozempic i Wegovy stała samaj darahoj kampanijaj u Jeŭropie.
Financial Times nazyvaje Łarsa Jorhiensena «pijanieram pryvatnych inavacyj, jakija mohuć akazać hruntoŭny ŭpłyŭ nie tolki na achovu zdaroŭja, ale i na hramadstva, dziaržaŭnaje finansavańnie i na našy adnosiny ź ježaj».
«Jorhiensenu ŭsio jašče nieabchodna pierakanać mnohija ŭrady i ścisnutyja ŭ srodkach sistemy achovy zdaroŭja ŭ nieabchodnaści zapłacić za preparat ciapier, kab zekanomić hrošy ŭ budučyni. Zbolšaha dla hetaha patrabujecca razumieńnie, što atłuścieńnie — mienavita zachvorvańnie, jakoje možna lačyć z dapamohaj lekaŭ, a nie asabisty niedachop», — adznačaje FT.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ8
Kamientary