Palitviaźniu dali piać hadoŭ kałonii za 21-dalaravy danat Pałku Kalinoŭskaha. Jon pryjechaŭ z ZŠA
Vyrak ahučyła sudździa Śviatłana Čarapanava ŭ Minskim haradskim sudzie 8 śniežnia 2023 hoda.
Mužčynu pryznali vinavatym pavodle art. 361-3 Kryminalnaha kodeksu («finansavańnie dziejnaści dla ŭdziełu na terytoryi zamiežnaj dziaržavy va ŭzbrojenym farmavańni, albo va ŭzbrojenych kanfliktach»).
Hieorhija Čaravaku asudzili za danat u 21,29 dalara, jaki jon adpraviŭ sa svajho akaŭnta PayPal u padtrymku Pałka Kalinoŭskaha. Da akaŭnta była pryviazanaja biełaruskaja kartka, ź jakoj śpisalisia srodki. Ułady paličyli heta naŭmysnymi dziejańniami «z metaj finansavańnia dziejnaści pa viarboŭcy, navučańni, inšaj padrychtoŭcy» asobaŭ da ŭzbrojenaha kanfliktu va Ukrainie.
Čaravaku zatrymali 9 žniŭnia 2023 hoda pry viartańni ŭ Biełaruś z ZŠA, kudy jon jeździŭ na miesiac.
Padčas suda jon raspavioŭ, što jon dobraachvotna paviedamiŭ supracoŭnikam, jakija jaho zatrymali, što jon padpisany na šmatlikija «ekstremisckija» telehram-kanały, pryznaŭsia, što zrabiŭ pieravod na rachunak Pałka Kalinoŭskaha.
Jon ža ŭłasnaruč daŭ supracoŭnikam paroli dla ŭvachodu ŭ płaciožnuju sistemu. Jon raspavioŭ, što zrabiŭ danat, bo spadziavaŭsia, što hetyja srodki nakirujuć na zakupku kasak, broniekamizelek, miedykamientaŭ, adnak razumieŭ, što imi skarystajucca pa svaim viedańni i ŭ tym liku, kupiać na ich zbroju i bojeprypasy.
Taksama viadoma, što śledčy vyłučyŭ sa spravy materyjały, jakija datyčnyja inšych artykułaŭ Kryminalnaha kodeksa:
- art. 342 (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich),
- art. 350 (źniščeńnie, błakavańnie ci madyfikacyja kampjutarnaj infarmacyi),
- art. 368 (abraza Łukašenki),
- art. 369 (abraza pradstaŭnika ŭłady), piša «Viasna».
Kiraŭnik Lidy zaklikaŭ siłavikoŭ nie spyniać palityčnych represij28
Kamientary
sotrudnikam, čto on podpisan na mnohočiślennyje «ekstriemistskije»
tielehram-kanały, priznałsia, čto sdiełał pierievod na sčiet Połka
Kalinovskoho. On žie sobstviennoručno dał sotrudnikam paroli dla
vchoda v płatiežnuju sistiemu. On rasskazał, čto sdiełał donat, tak kak
nadiejałsia, čto eti sriedstva napraviat na zakupku kasok, broniežiletov,
miedikamientov, odnako ponimał, čto imi vospolzujutsia po svojemu razumieniju
i, v tom čiśle, kupiat na nich oružije i bojepripasy.
https://d2accbiqacj5y8.cloudfront.net/ru/335169
Tak nado było samostojatielno siebia i posadiť na 5 let.Začiem utruždať siłovikov?