Barysaŭskamu fatohrafu Alaksandru Ziankovu prysudzili 3 hady kałonii
Minski haradski sud u asobie sudździ Žanny Brysinaj pryznaŭ jaho vinavatym pavodle č. 3 art. 361-1 Kryminalnaha Kodeksa RB (udzieł u ekstremisckim farmavańni).
Alaksandra Ziankova zatrymali jašče 22 červienia, ale pra heta mała chto viedaŭ. Siłaviki zładzili ŭ žylli pieratrus i zabrali kampjutarnuju techniku. Paśla hetaha Ziankova pavieźli ŭ Minsk, dzie peŭny čas trymali ŭ IČU na Akreścina, a potym pieraviali ŭ SIZA na vulicy Vaładarskaha.
Sudovy razbor spravy raspačaŭsia 12 studzienia, prajšli try sudovyja pasiadžeńni.
Prysud byŭ ahučany 30 studzienia: 3 hady kałonii va ŭmovach ahulnaha režymu, piša BAŽ.
Alaksandr Ziankoŭ pracuje fatohrafam-fryłansieram z 1998 hoda: jon zarehistravaŭsia jak pryvatny pradprymalnik, sam šukaŭ sabie pracy i płaciŭ padatki. Supracoŭničaŭ ź miascovymi niezaležnymi vydańniami.
Potym zachapiŭsia videazdymkami, rabiŭ u tym liku i dakumientalnyja stužki, jakija atrymlivali ŭznaharody na fiestyvalach chryścijanskich filmaŭ i teleprahram «Mahnifikat». U pryvatnaści, u 2015 hodzie žury fiestyvalu adznačyła jaho tvorčuju pracu pra adbudavańnie carkvy ŭ vioscy Ziembin.
U volny čas zachaplaŭsia fotazdymkami dzikaj pryrody.
Apošnim časam Alaksandr Ziankoŭ šmat padarožničaŭ i zajmaŭsia tvorčaściu — fatahrafavaŭ krajavidy, pryrodnyja źjavy, ptušak i pomniki architektury. U śniežni 2022 hoda ŭ jaho adbyłasia piersanalnaja fotavystava.
Ciapier za kratami znachodziacca 33 supracoŭniki miedyja.
Ciapier čytajuć
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1212
Kamientary