Kola Łukašenka debiutavaŭ z navukovaj pracaj — šukaje srodki suprać karanavirusa
Mikałaj Łukašenka robić pieršyja kroki ŭ navucy. Dziakujučy źlivu jahonaj asabistaj pošty ŭdałosia vyjavić pieršuju navukovuju publikacyju, u jakoj syn biełaruskaha palityka paznačany suaŭtaram.
Jak ni dziŭna, navukovaja praca małodšaha Łukašenki skiravana na vyvučeńnie kavidu, pahrozu jakoha jahony baćka admaŭlaŭ u samy razhar pandemii ŭ 2020 hodzie.
Poŭnaja nazva artykuła hučyć jak «Vyłučeńnie čałaviečaha, byčynaha i kazinaha łaktafierynu, paraŭnalnaja charaktarystyka ŭłaścivaściej i analiz mahčymaści jaho vykarystańnia ŭ raspracoŭcy terapieŭtyčnych i prafiłaktyčnych srodkaŭ suprać Sars-Cov-2». SARS-CoV-2 heta karanavirus, jaki byŭ vyjaŭleny ŭ śniežni 2019 hoda. Mienavita jon vyklikaŭ infiekcyjnaje zachvorvańnie COVID-19. Pavodle artykuła, najbolšuju aktyŭnaść suprać SARS-CoV-2 prajaviŭ byčyny łaktafieryn.
Niepatryjatyčna ŭ śpisie vykarystanych krynic adsutničajuć spasyłki na napracoŭki ajčynnych navukoŭcaŭ.
Publikacyja była vydadziena ŭ zborniku navukovych materyjałaŭ pa vynikach mižnarodnaja navukova-praktyčnaj kanfierencyi «Naračanskija čytańni — 14: Inavacyjnyja bijatechnałohii pryrodnych i sintetyčna bijałahična aktyŭnych rečyvaŭ», jakaja prachodziła 5-7 kastryčnika 2022 hoda ŭ Minsku i Staŭrapali.
Jakraz u hety čas ministr achovy zdaroŭja Dźmitryj Pinievič pierakonvaŭ, što płanuje zarehistravać biełaruskuju vakcynu ŭ kancy 2023 hoda, a šyrokaje vykarystańnie pačać u 2024 hodzie.
Suaŭtarami studenta bijafaka BDU Mikałaja Łukašenki vystupili zahadčyk kafiedry pryrodaznaŭčych navuk liceja BDU Maksim Kapuścin, prafiesar BDU i zahadčyk Nacyjanalnaha instytuta prykładnych prablem bijachimii Uładzimir Kurčanka, dyrektarka liceja BDU Hanna Čubarava, prafiesar Paŭnočna-Kaŭkazskaha dziaržaŭnaha techničnaha ŭniviersiteta Ivan Jeŭdakimaŭ.
Inšych studentaŭ, akramia Łukašenki, siarod suaŭtaraŭ niama. Być u hetym zornym składzie navukoŭcaŭ chacieli b mnohija inšyja biełaruskija navučency, ale atrymałasia tolki ŭ syna biełaruskaha palityka.
Cikava, što Hanna Čubarava pajšła sa svajoj pasady ŭ pačatku navučalnaha hoda 2023/2024. Pierad hetym Alaksandr Łukašenka nakinuŭsia na svajoj naradzie na Licej, ź jakoha ŭ 2020 hodzie byli vymušany zabrać dakumienty jahonyja syn i ŭnučki. Vyciahvańnie Mikałaja pa navukovaj halinie, vidać, nie vielmi dapamahli Čubaravaj utrymacca.
«Naša Niva» — bastyjon biełaruščyny
PADTRYMAĆ
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ10
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary
Lepš by vyvučyŭ mazaičnuju psichapatyju.