Butylavanaja vada zabrudžanaja mikrapłastykam u kałasalnym maštabie — vučonyja
Novaje daśledavańnie vyjaviła, što ŭ adnym litry butylavanaj vady ŭtrymlivajecca kala 240 tysiač čaścinak mikrapłastyku. Praŭda, upłyŭ jaho na zdaroŭje pakul nie daśledavaŭsia.
Jak piša Le Monde, amierykanskija daśledčyki vyjavili, što butylavanaja vada maje niečakana vysokuju stupień zabrudžanaści mikrapłastykam. Svaimi vynikami vučonyja padzialilisia ŭ časopisie Proceedings of the National Academy of Sciences.
Jak paviedamlajecca, u siarednim u adnym litry vady ŭ płastykavaj butelcy ŭtrymlivajecca kala 240 tysiač čaścinak mikrapłastyku. Byli pratestavanyja butelki z vadoj troch vytvorcaŭ.
U vadzie byli znojdzieny siem vidaŭ mikrapłastyku. U pryvatnaści, poliamid, poliprapilen, polietylen, PVCH i navat PET. U vadzie pieršych dvuch brendaŭ značnuju dolu (ad 70 da 80%) składaŭ poliamid. A voś u vadzie treciaha brendu na jaho prychodziłasia tolki 17% usioj masy płastyku. A voś PET skłaŭ 63%.
Hetaja ličba kałasalna (ad sta da tysiačy razoŭ) adroźnivacca ad tych, što pryvodzilisia raniej. Takuju kolkaść čaścinak vučonyja zdoleli vyjavić dziakujučy novym aptyčnym technałohijam, jakija mohuć znachodzić i vyznačać charaktarystyki mikra– i nanačastak płastyku.
Aŭtary nie raskryvajuć nazvy troch vytvorcaŭ butylavanaj vady, ale śćviardžajuć, što taki ŭzrovień zabrudžanaści, imavierna, budzie i ŭ inšych vytvorcaŭ.
Vučonyja źviartajuć uvahu, što častki mikrapłastyku z vadoj traplajuć u arhanizm čałavieka, dzie z pośpiecham pieraadolvajuć bijałahičnyja barjery i z kryvioj raspaŭsiudžvajucca pa ŭsich orhanach, uklučajučy mozh. Ale pakul nie chapaje viedaŭ adnosna taho, jakija ryzyki dla zdaroŭja heta niasie. U toj ža čas vučonyja adznačajuć, što taksičnyja rečyvy (naprykład, biśfienoły), jakija pieranosiacca hetymi mikra– i nanačaścinkami, uzmacniajuć ich škodnaje ŭździejańnie.
U 2023 hodzie francuzskija vučonyja vyśvietlili, što mikrapłastyk akazvaje škodnaje ŭździejańnie na kišečnuju fłoru, źnižajučy kolkaść karysnych bakteryj i pavialičvajučy kolkaść patencyjna patahiennych.
U 2022 hodzie italjanskija daśledčyki vyjavili zabrudžanaść mikrapłastykam hrudnoha małaka ŭ bolšaści kormiačych žančyn. A niderłandskija vučonyja padličyli, što kolkaść mikrapłastyku, jaki cyrkuluje ŭ kryvi čałavieka, składaje prykładna 1,6 milihrama na litr kryvi. Ale daśledčyki zdoleli vyjavić tolki mikračaścinki pamieram bolšym za 700 nanamietraŭ. I heta nie dazvalaje havaryć ab sapraŭdnym maštabie zabrudžanaści.
Čytajcie jašče:
Jeŭrapiejcaŭ pazbaŭlajuć adnaho ź simvałaŭ śviata i hłamuru
Navukoŭcy znajšli mikrapłastyk u abłokach. Heta moža nieści surjoznyja nastupstvy dla śvietu
Mikrapłastyk moža traplać u mozh i vyklikać źmieny ŭ pavodzinach — novaje daśledavańnie
Ciapier čytajuć
Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška17
Kamientary
(zievaja) da, nikto nie ožidał
Dumali, stiekło budiet
A tut takoj povorot!🤣🤣🤣