Z metaj źmianšeńnia zabrudžvańnia mikrapłastykam Jeŭrapiejski Sajuz uvodzić zabaronu na bliskaŭki. Ich nielha budzie vykarystoŭvać ani ŭ makijažy, ani ŭ łaku dla paznohciaŭ. Pad zabaronu traplajuć taksama skraby dla skury, zubnyja pasty i hieli dla duša.
Jak paviedamlaje Le Monde, Jeŭrapiejski Sajuz paśla šaści hadoŭ abmierkavańnia ŭ kastryčniku 2023 hoda pryniaŭ rašeńnie ab pastupovaj zabaronie bliskavak. Hetaja miera — častka Jeŭrapiejskaha płana pa dasiahnieńni nulavoha zabrudžańnia. Jon praduhledžvaje skaračeńnie zabrudžańnia mikrapłastykam na 30% da 2030 hoda.
Zabarona datyčyć usich čaścic sintetyčnych palimieraŭ pamieram mienšych za 5 milimietraŭ, jakija źjaŭlajucca arhaničnymi, nierastvaralnymi i ŭstojlivymi da razłažeńnia. Pavodle mierkavańnia Jeŭrakamisii, hetyja miery dazvolać pieraduchilić vykid kala paŭmiljona ton mikrapłastyku.
Akramia bliskavak, tak papularnych u azdableńni paštovak, kaściumaŭ i ŭ makijažy, zabarona pastupova budzie pašyracca i na inšuju pradukcyju, jakaja ŭtrymlivaje mikrapłastyk: skraby dla skury, zubnyja pasty, hieli dla duša, adzieńnie, cacki, myjnyja srodki, łak dla paznohciaŭ.
Pry hetym zabarona nie raspaŭsiudžvajecca na bliskaŭki, vyrablenyja z naturalnych, bijarazkładalnych abo vodarastvaralnych niearhaničnych materyjałaŭ.
Jak adznačaje niamieckaje vydańnie Bild, zabarona budzie ŭvodzicca pastupova. Vytvorcam dali čas dla adaptacyi da novych patrabavańniaŭ. Naprykład, kaśmietyka, jakaja zmyvajecca, pavinna być bieź mikrapłastyku ŭžo ŭ kastryčniku 2027 hoda. A voś vytvorcam tavaraŭ dla makijažu, łaku dla paznohciaŭ na adaptacyju da novych patrabavańniaŭ adviedzieny čas da kastryčnika 2035 hoda.
Hetyja patrabavańni raspaŭsiudžvajucca nie tolki na jeŭrapiejskich vytvorcaŭ, ale i na mižnarodnyja kampanii, jakija ažyćciaŭlajuć pastaŭki ŭ ES. Viadoma, što ŭ ZŠA 87% pradukcyi viadučych kaśmietyčnych brendaŭ utrymlivaje mikrapłastyk.
Jak piša Le Monde, mikrapłastyk nie tolki škodna ŭździejničaje na navakolnaje asiarodździe, ale i na zdaroŭje čałavieka. Zhodna z daśledavańniem brytanskich vučonych, praviedzienym u 2022 hodzie, mikrapłastyk byŭ vyjaŭleny ŭ lohkich pacyjentaŭ paśla chirurhičnaha ŭmiašańnia. A niekalki hadoŭ tamu hałandskija vučonyja znajšli jaho ŭ kryvi donaraŭ.
Čytajcie jašče:
Navukoŭcy znajšli mikrapłastyk u abłokach. Heta moža nieści surjoznyja nastupstvy dla śvietu
Mikrapłastyk moža traplać u mozh i vyklikać źmieny ŭ pavodzinach — novaje daśledavańnie
Kantaktnyja linzy: praktyčna, ale niebiaśpiečna?
Mikrapłastyk — adna z hałoŭnych pahroz zdaroŭju ŭ XXI stahodździ. Ale navukoŭcy znajšli rašeńnie
-
Tramp anansavaŭ telefonnuju razmovu z Pucinym
-
«Alternatyva dla Hiermanii» ŭ novaabranym łandtahu Saksonii-Anchalt adrazu ž zapatrabavała spynić padtrymku Ukrainy i admianić sankcyi suprać Rasii
-
ZŠA padtrymali Łatviju ŭ baraćbie ź nielehalnaj mihracyjaj i vysoka acanili jaje hatoŭnaść uzajemadziejničać ź Biełaruśsiu
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy19
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary