Samy bahaty čałaviek u śviecie ŭžyvaŭ ŁSD, kakain, ekstazi i psichadeličnyja hryby, piša ŭ vialikim rasśledavańni amierykanskaje vydańnie The Wall Street Journal. Heta nabyło takija formy, što kiraŭnictva Tesla i SpaceX bajacca za budučyniu kampanij.
Mask rehularna ŭžyvaje narkotyki na pryvatnych viečarynkach, dzie ŭdzielniki padpisvajuć pahadnieńni ab nierazhałošvańni i zdajuć telefony achovie, kab uvajści, śćviardžaje vydańnie.
Raniej Mask kuryŭ marychuanu na publicy i kazaŭ, što ŭ jaho jość recept ad miedykaŭ na psichadeličny preparat kietamin.
Iłan Mask daŭno słaviŭsia svaimi rezkimi vykazvańniami i nieadnaznačnymi pavodzinami. Mnohija ličyli ich advarotnym bokam jahonaj kreatyŭnaści. Ci vynikam prablem ź psichičnym zdaroŭjem. Abo nastupstvami stresu ci niedasypańnia.
U apošnija hady, adnak, u niekatorych mieniedžaraŭ i členaŭ radaŭ dyrektaraŭ jaho kampanij, a taksama ŭ inšych asob, blizkich da miljardera, źjaviŭsia mocny niespakoj z nahody taho, što pavodzinami Maska ruchaje jašče adzin kampanient: užyvańnie narkotykaŭ.
Užyvańnie narkotykaŭ stvaralnikam SpaceX moža mieć surjoznyja nastupstvy nie tolki dla jaho zdaroŭja, ale i dla šaści kampanij i miljardnych aktyvaŭ, jakija jon kuryruje. Žurnalisty spasyłajucca na ludziej ź blizkaha koła Maska i znutry jaho kampanij.
Naprykład, u 2018 hodzie jon pryniaŭ niekalki tabletak kisłaty na viečarynie, jakuju ładziŭ u Łos-Andželesie. U nastupnym hodzie jon prymaŭ halucynahiennyja hryby na imprezie ŭ Mieksicy. U 2021 hodzie jon pryniaŭ kietamin dla zabavy ŭ Majami na chatniaj viečarynie padčas Art Basel. Jon prymaŭ zabaronienyja narkotyki ź ciapierašnim členam praŭleńnia SpaceX i byłym členam praŭleńnia Tesla Styvam Jurvietsanam.
Ludzi, blizkija da Maska, jakomu ciapier 52 hady, skazali, što jon praciahvaje ŭžyvać narkotyki, asabliva kietamin, i što jany zaniepakojenyja tym, što heta moža vyklikać prablemy sa zdaroŭjem.
Niezakonnaje ŭžyvańnie narkotykaŭ moža parušać fiederalnyja zakony i pastavić pad pahrozu dziaržaŭnyja kantrakty SpaceX na miljardy dalaraŭ, piša vydańnie.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT16
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary