Centr kieramiki, znak na Zamčyščy, novyja skulptury… Jakija źmieny płanujuć u centry Minska ŭ nastupnym hodzie?
13 śniežnia na naradzie ŭ Minharvykankamie, pryśviečanaj raźvićciu histaryčnaha centra i turystyčnaha patencyjału horada, dyrektar KUP «Minskaja spadčyna» Alaksandr Kochan raskazaŭ, jakija źmieny minčuki zmohuć pabačyć u centry stalicy ŭžo nieŭzabavie.
«Na vuł. Rakaŭskaj u lutym adkryjecca centr kieramiki. Ciapier vykonvajucca ramontnyja raboty na 2-m i 3-m pavierchach. Tam buduć pravodzicca majstar-kłasy dla ŭsich achvotnych. Taksama haradžanie i hości stalicy zmohuć nabyć užo hatovyja vyraby», — cytujuć Alaksandra Kochana «Minsk-Naviny».
Taksama, pavodle słovaŭ čynoŭnika, idzie praca pa stvareńni pamiatnaha znaka «Makiet «Minskaje zamčyšča». Hetuju skulpturnuju kampazicyju źbirajucca raźmiaścić pa adrasie pr.Pieramožcaŭ, 2. Zajaŭki na eskiznyja prajekty prymajucca da 15 śniežnia, a raboty dla padviadzieńnia vynikaŭ pavinny być pradstaŭlenyja da 15 lutaha.
Akramia taho, u 2023 hodzie «Minskaja spadčyna» zaklučyła pahadnieńnie ź Biełaruskaj dziaržaŭnaj akademijaj mastactvaŭ. Jaho vynikam užo stała raźmiaščeńnie mazaičnaha pano na vuł. Staravilenskaj, 2, a z maja pa vierasień 2024 hoda płanujecca pravieści plener skulptaraŭ na terytoryi histaryčnaha centra. Stvoranyja na im raboty paśla buduć raźmiaščacca va ŭsich rajonach horada.
Akramia taho, prapracoŭvajucca pytańni raźmiaščeńnia ŭ centralnaj častcy Minska
«minijaciurnych abjektaŭ historyka-kulturnaj spadčyny krainy, pašyreńnia płoščy iluminacyi, stvareńnia falkłornaha centra, arhanizacyi łaziernych pradstaŭleńniaŭ na fasadach znakavych budynkaŭ i pavieličeńnia kolkaści infarmacyjnych pakazalnikaŭ».
U svaju čarhu, staršynia Minharvykankama Uładzimir Kucharaŭ ličyć, što «treba źviarnuć uvahu i na Rakaŭskaje pradmieście. Tam nie pieraškodziła b raźmiaścić šerah skulpturnych i inšych abjektaŭ, źviazanych z falkłoram».
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary