Raspracoŭščyk partała 115.bieł padaŭ u sud na piać arhanizacyj ŽKH. Tyja nie płaciać za sajt, na jakim biełarusy na ich skardziacca
Žyllova-kamunalnyja arhanizacyi Homielskaj vobłaści nie płaciać u termin raspracoŭščyku partała 115.bieł, zaŭvažyŭ «Fłahštok».
U druhoj dekadzie śniežnia ŭ Viarchoŭnym sudzie razhladajecca sieryja pozvaŭ ab spahnańni licenzijnaj uznaharody, pieni i pracentaŭ za karystańnie čužymi hrašovymi srodkami ŭ dačynieńni da žyllova-kamunalnych arhanizacyj Homielskaj vobłaści. Va ŭsich vypadkach zajaŭnikam vystupaje KUP «Centr infarmacyjnych technałohij Minharvykankama».
Centr infarmacyjnych technałohij Minharvykankama źjaŭlajecca raspracoŭščykam partała 115.bieł, jaki daje hramadzianam mahčymaść adpraŭki zapytaŭ paŭsiadzionnaha biahučaha charaktaru, jakija datyčacca žyllova-kamunalnych pasłuh niepasredna pradpryjemstvam ŽKH. Z 2018 hoda prajekt realizujecca va ŭsich rajcentrach Biełarusi.
Adkazčykami pa pozvach KUP «CIT Minharvykankama» vystupajuć piać žyllova-kamunalnych arhanizacyj Homielskaj vobłaści, sa Žłobina, Dobruša, Vietki, Naroŭli i Łojeva. Ź ich za apošni miesiac na interaktyŭnaj karcie partała «Maja Biełaruś» 115.bieł zafiksavana vykanańnie zajavak tolki žłobinskim KDŽEUP «Žyłkamservis dva».
Apošniaja zajaŭka ŭ Vietkaŭskim rajonie ŭ kastryčniku 2023 hoda nie była poŭnaściu vyrašana praz adsutnaść dostupu da aŭtamatyčnaj sistemy «Dyśpietčarskaja słužba» ŭ Vietkaŭskaha DRBU-185 .
Kamientary