Rusłan Alachno na rasijskim telebačańni paprasiŭ pajeści. Małachaŭ daŭ jamu sała
U prahramie «Pieśni ad usioj dušy», jakaja vyjšła ŭ efir 10 śniežnia na telekanale «Rasija 1», prymaŭ udzieł biełaruski praŭładny śpiavak Rusłan Alachno. Jon pachvaliŭsia pieśniami Hanny Siałuk, niaviestki Alaksandra Łukašenki, i paprasiŭ pajeści, piša «Kamsamołka».
Kali čarha vystupać dajšła da Rusłana, Andrej Małachaŭ pacikaviŭsia:
— Nu, što, narodny lubimčyk Rusłan Alachno, što-niebudź adbyłosia paśla našaj apošniaj sustrečy?
— Andruša, viadoma adbyłosia. Što adbyłosia? Ja chaču jeści. Ja b paprasiŭ ciabie, kali možna, paru kavałačkaŭ sała.
Na stale lažaŭ vialiki i apietytny kavałak sała, jaki Małachavu ź vioski Krasnadarskaha kraju pryvieźli śpiavački dueta «Usłada».
Ale Małachaŭ nie śpiašaŭsia rastavacca z sałam, jon usio ž taki spytaŭsia pra naviny z žyćcia Rusłana.
— U mianie niadaŭna vyjšaŭ klip na pieśniu z novaha alboma, prezientacyja jakoha adbyłasia 15 lipienia, — adkazaŭ Rusłan. — Hetyja pieśni napisali dla mianie paetka Hanna Siałuk i kampazitar Aleh Šaŭmaraŭ.
— Nu tady, pakul ja režu sała, ty pavinien vykanać pieśniu, — skazaŭ Małachaŭ.
I kali ŭžo Rusłan śpiavaŭ «Budzieš maja», Andrej Małachaŭ padnios jamu vializny kavałak sała.
Kamientary