Kolki žančyn u Biełarusi padviarhajucca chatniamu hvałtu — vyniki apytańnia
Novaje apytańnie demanstruje ŭzrovień i raznastajnaść hvałtu, jaki cierpiać žančyny z boku svaich partnioraŭ. Pry hety nie ŭsie razumiejuć roźnicu pamiž kanfliktam i hvałtam.
Chatham House (Karaleŭski instytut mižnarodnych adnosin) sumiesna z anłajn linijaj dapamohi paciarpiełym ad chatniaha hvałtu oliviahelp.org praviali anłajn-apytańnie ŭ Biełarusi ab hiendarnym hvałcie ŭ adnosinach. Jano prajšło z 8 pa 14 listapada. Udzielnikami byli 480 žančyn i 384 mužčyny. Jak śćviardžajuć arhanizatary, vybarka adpaviadaje struktury haradskoha nasielnictva i skarektavanaje na połu, uzrostu, pamieru nasielenych punktaŭ i ŭzroŭniu adukacyi.
Try z čatyroch apytanych žančyn (74,7%) adznačyli, što ŭ apošnija 12 miesiacach znachodzilisia ŭ adnosinach. Ź ich zajavili, što padviarhalisia hvałtu z boku partniora:
- psichałahičnamu (7,7%)
- ekanamičnamu (4,7%)
- fizičnamu (3,7%)
- seksualnamu (1,5%).
Daśledčyki zaŭvažajuć, što hetyja ličby nie adlustroŭvajuć realnaha stanovišča, bo šmat chto z respandentak pryznaŭsia, što nie zaŭsiody razumieje roźnicu pamiž kanfliktam i chatnim hvałtam.
Jak pakazała apytańnie, kožnaja druhaja žančyna (50,8%) pryznałasia, što nikomu nie paviedamlała ab tym, što adbyłosia. Kali ž usio ž taki žančyna vyrašała źviarnucca za dapamohaj, to ŭ pieršuju čarhu heta była milicyja (40,5% paciarpiełych) i telefon davieru (15,2%).
Sacyjołahi źviartajuć uvahu, što adnoj z hałoŭnych pryčyn admovy ad zvarotu za dapamohaj dla žančyn źjaŭlajecca adsutnaść viery ŭ toje, što im mohuć dapamahčy. Ab hetym paviedamiła kožnaja piataja z paciarpiełych (20,2%).
Na dumku kožnaj vośmaj (13,1%), zvarot pa dapamohu moža zrabić jašče horš. Pry hetym amal kožnaja treciaja z paciarpiełych ad chatniaha hvałtu (29,8%) ličyć, što dastatkova raspavieści siabram i blizkim.
Čytajcie jašče:
Kaho padtrymlivajuć biełarusy ŭ paleścina-izrailskim kanflikcie? — vyniki apytańnia
Takoha cnatlivaha pakaleńnia daŭno nie było. Voś što viadoma pra moładź 13-24 hadoŭ
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary