Žyvuć na adnu piensiju, sutykajucca z ašukancami, usim zadavoleny: vyniki apytańnia biełaruskich piensijanieraŭ
Instytut sacyjałohii NAN Biełarusi pravioŭ sacyjałahičnaje daśledavańnie piensijanieraŭ. U telefonnym apytańni pryniaŭ udzieł 601 čałaviek uzrostam za 58 hadoŭ. Myfin raskazvaje ab vynikach.
Materyjalnaje stanovišča i zadavolenaść žyćciom
Jak paviedamiŭ kiraŭnik Centra apieratyŭnych daśledavańniaŭ instytuta Alaksandr Bielski, krychu bolš za pałovu biełaruskich piensijanieraŭ (54,8%) ličać svajo materyjalnaje stanovišča siarednim, kala traciny nazyvali jaho dobrym i kala 10% — drennym.
Što da krynic dachodu, to bolšaść z apytanych žyvie tolki na piensiju.
Dadatkovych krynic dachodu nie majuć 75,4%. Kala 10% dapamohu atrymlivajuć ad dziaciej i svajakoŭ.
Častka pažyłych ludziej (8,7%) jašče pracujuć. Taksama ŭ niekatorych jość (3,1%) dadatkovyja vypłaty ad pradpryjemstvaŭ i prafsajuzaŭ i dachody ad viadzieńnia asabistaj padsobnaj haspadarki.
Pa danych apytańnia, 78,6% piensijanieraŭ zadavalniaje ich žyćcio. Nie zadavalniaje — 15%.
Nijakich prablem nie adčuvaje kala traciny apytanych.
Astatnija adznačajuć najaŭnaść prablem. Hałoŭnyja ź ich — stan zdaroŭja — 37, 1%, prablemy materyjalnaha stanovišča — 15%.
Kala 12% piensijanieraŭ adznačajuć, što im nie chapaje znosin.
Piensijaniery i ašukancy
Apytańnie pakazała, što 43,8% sutykałasia z machlarstvam, adnak kolkaść paciarpiełych skłała 16,4%.
Volny čas
Jak adznačyŭ namieśnik dyrektara pa navukovaj i inavacyjnaj rabocie instytuta Mikałaj Suchocki, stereatyp, što piensijaniery šmat hladziać televizar, słuchajuć radyjo, zajmajucca sadam i aharodam, paćviardžaje i sacyjałohija.
— Adnak u dadatak da partreta my bačym, što piensijanier šmat hulaje na śviežym pavietry, što ŭžo niadrenna, čytaje knihi, haziety, časopisy, maje znosiny sa svajakami i siabrami, aktyŭna maje znosiny z moładździu.
Razam z tym, sacapytańnie pakazała, što padarožžy zajmajuć nievialikaje miesca ŭ žyćci biełaruskich piensijanieraŭ — usiaho 3,3% vandrujuć.
Kala traciny apytanych adznačyli, što nie radziej čym raz na tydzień sustrakajucca sa svajakami i siabrami. Naohuł nie sustrakajucca ni z kim 4%.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary