Raskryty terakt z padryvami ciahnikoŭ na BAMie, zatrymany biełarus, paviedamili ŭ FSB, piša TASS. Mužčyna nibyta dziejničaŭ «pad kantrolem śpiecsłužbaŭ Ukrainy».
FSB śćviardžaje, što raskryła padryŭ ciahnikoŭ u Paŭnočnamujskim tuneli nočču z 29 na 30 listapada. Pa viersii śledstva, dyviesiju ździejśniŭ hramadzianin Biełarusi, jaki dziejničaŭ u intaresach ukrainskich śpiecsłužbaŭ.
Padazravany «atrymlivaŭ ukazańni ad inšaha hramadzianina Biełarusi, jaki žyvie ŭ Litvie i dziejničaje pad kantrolem ukrainskich śpiecsłužbaŭ», dadaje FSB.
Vybuchovyja pryłady padazravany zabraŭ z tajnika, pryvioz ich u Buraciju i zakłaŭ na cysternach hruzavych ciahnikoŭ, paviedamlaje FSB.
Zatrymany daŭ pryznalnyja pakazańni, jon dziejničaŭ pad kantrolem śpiecsłužbaŭ Ukrainy, śćviardžajuć u viedamstvie.
Unačy z 29 na 30 listapada na pierahonie Itykit-Akusikan Uschodnie-Sibirskaj čyhunki, padčas ruchu pa Paŭnočnamujskim tuneli (jaho daŭžynia 15 kiłamietraŭ) zahareŭsia vahon hruzavoha ciahnika, jaki pieravoziŭ paliva (u tym liku avijacyjnaje) i kalarovyja mietały.
Paźniej u Paŭnočnamujskim tuneli na Bajkała-Amurskaj mahistrali zahareŭsia jašče adzin sastaŭ z hruzam.
Była zaviedziena kryminalnaja sprava za terakt.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii8
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3838
Kamientary