Rasijskija kanały paćvierdzili zdareńnie ŭ tuneli na Bajkała-Amurskaj mahistrali, ale dali svajo tłumačeńnie
Pryčynaj pažaru ŭ hruzavym ciahniku ŭ Paŭnočnamujskim tuneli stała zamykańnie kabielnaj sietki — pra takuju papiaredniuju viersiju piša «Baza».
Pavodle rasijskaha telehram-kanała, blizkaha da siłavikoŭ, hruzavy sastaŭ z 50 vahonaŭ pačaŭ zajazdžać u tunel niepadalok ad stancyi Akusikan u Buracii, kali mašynist pačuŭ vybuch («Baza» piša «chłopok»).
U adnym z vahonaŭ pačaŭsia pažar. U vyniku byli paškodžanyja try vahony-cysterny — adzin ź ich vyhareŭ całkam. Z adnaho z vahonaŭ pačało vyciakać paliva.
Paźniej na adnym z učastkaŭ šlachu było vyjaŭlena vyharańnie 200 mietraŭ kabielnaj linii.
Mašynist i jaho pamočnik nie paciarpieli.
U ciapierašni momant u tuneli pracujuć adnaŭlenčyja i pažarnyja ciahniki, zatrymak u ruchu pasažyrskich ciahnikoŭ niama, piša «Baza».
Raniej ukrainskija kanały paviedamili pra heta zdareńnie i nazvali jaho ŭkrainskaj dyviersijaj.
Bajkała-Amurskaja mahistral — heta adziny surjozny šlach znosin pamiž Kitajem i RF, jakuju Rasija, vierahodna, vykarystoŭvaje ŭ tym liku i dla vajennych pastavak. Pavodle ŭkrainskich miedyja, ciapier jana nibyta paralizavanaja.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? Jaje abvinavačvajuć u Estonii ŭ machlarstvie, aryštavali 1,8 młn jeŭra na jaje rachunkach14
Kamientary