«My zaprašajem jaho naviedać Hazu i acanić maštaby razbureńniaŭ i raźni», — skazaŭ Usama Chamdan.
Vysokapastaŭleny pradstaŭnik paleścinskaj terarystyčnaj hrupoŭki CHAMAS Usama Chamdan prakamientavaŭ naviedvańnie 27 listapada amierykanskim pradprymalnikam Iłanam Maskam kibuca Kfar-Aza, jaki 7 kastryčnika pieražyŭ napad terarystaŭ, piša newsru.co.il.
«My zaprašajem jaho naviedać Hazu i acanić maštaby razbureńniaŭ i raźni. Za 50 dzion na damy biezabaronnych žycharoŭ siektara było skinuta 40000 ton bojeprypasaŭ. Ja zaklikaju prezidenta ZŠA Džo Bajdena pierahledzieć adnosiny ź Izrailem i pierastać zabiaśpiečvać jaho zbrojaj», — skazaŭ Chamdan, jaki znachodzicca ŭ Biejrucie.
27 listapada zasnavalnik kampanij Tesla i SpaceX, i ŭładalnik sacyjalnaj sietki X (były Twitter), razam z premjer-ministram Izraila Bińjaminam Nietańjachu naviedaŭ kibuc Kfar-Aza. Mask vykazaŭ hatoŭnaść sadziejničać adnaŭleńniu siektara Haza.
Biznesoviec adznačyŭ, što nieabchodna niejtralizavać terarystaŭ, spynić prapahandu hvałtu, jakaja robić ź ludziej zabojcaŭ, a paśla hetaha zrabić Hazu kvitniejučaj. Jon skazaŭ, što «z radaściu b dapamoh» adnaŭleńniu Hazy, u jakoj nie budzie CHAMAS.
Čytajcie taksama:
Ciapier čytajuć
Hamielčuka vyzvalili ad adkaznaści za ŭdzieł u pratestach praz toje, što ŭžo prajšło piać hadoŭ. Heta taki pieršy viadomy vypadak1
Kamientary