Biełyja škarpetki znoŭ u modzie. Ale jany majuć vialiki niedachop — vielmi chutka zabrudžvajucca i paśla myćcia hublajuć svoj pieršasny koler. Voś niekalki sposabaŭ, jakija dapamohuć iznoŭ zrabić ich biełaśniežnymi.
Z prablemaj myćcia biełych škarpetak sutykajecca kožny. Zvyčajna dla hetaha vykarystoŭvajuć roznyja adbielvajučyja srodki, jakija mohuć paškodzić strukturu tkaniny. Ale jość bolš prostyja i nie takija ahresiŭnyja srodki.
Badaj što najbolš viadomy i raspaŭsiudžany alternatyŭny sposab — namylvańnie papiarednie namočanych škarpetak haspadarčym myłam. Paśla hetaha ich treba pakłaści ŭ pakiet i zaviazać. U zaležnaści ad zabrudžańnia škarpetki pakidajuć na čas ad niekalkich hadzin da sutak. Potym myjuć jak zvyčajna.
Ale jość i bolš aryhinalnyja sposaby.
Viarnuć biel škarpetkam dapamoža zvyčajnaja pavaranaja sol. Dla heta treba ich na piatnaccać chvilin zamačyć u rastvory ciopłaj vady z sollu. Zatym dastać i pamyć jak zvyčajna rukami abo ŭ pralnaj mašynie.
Druhim srodkam moža być zamočvańnie škarpetak u rastvory bornaj kisłaty (adna stałovaja łyžka na litr vady). Praŭda, u hetym vypadku daviadziecca pačakać hadziny dźvie.
Kali niama pad rukoju bornaj kisłaty, to dapamoža vocat. Spatrebicca 150 mł 9% vocatu na litr ciopłaj vady. Praciahłaść zamočvańnia zaležyć ad stupieni zabrudžanaści. Moža spatrebicca niekalki hadzin. Vocat da taho ž maje bakterycydnaje i funhicydnaje dziejańnie, a taksama źmiakčaje tkaninu. U vyniku škarpetki buduć pryjemnymi navobmacak.
Jašče adnym sposabam źjaŭlajecca zamočvańnie škarpetak u rastvory vady ź śvieža vycisnutym sokam limonu. U šklanku vydušvajecca sok dvuch limonaŭ. Tudy možna dadać jašče 1 stałovuju łyžku limonnaj kisłaty ŭ kryštalach. Zatym sok razbaŭlajecca dźviuma šklankami vady. Atrymany rastvor nanosicca na plamy. Tut spatrebicca pačakać paru hadzin.
Kali plamy ŭsio ž zastalisia, to natrycie hetyja miescy limonam i trochi nasypcie źvierchu sody. Možna spačatku pryhatavać pastu, dadaŭšy ŭ sodu sok limonu. Lohka patrycie ich rukami i pakińcie na 15 chvilin (nie bolš!).
Sodu možna vykarystać i asobna ad limona. Na adzin litr ciopłaj vady jaje spatrebicca 2 stałovyja łyžki. Zamočvać rekamiendujecca cełuju noč. Možna zamačyć pierad adychodam na pracu. Viernieciesia — pamyjecie.
Vyratavać šeryja i pažoŭkłyja škarpetki dapamoža aśpiryn. Na dźvie šklanki vady spatrebicca 5-8 tabletak. Zamočvać rekamiendujuć paŭhadziny.
Ahulnyja rekamiendacyi. Pierad zamočvańniem škarpetak źviarnicie ŭvahu na typ tkaniny. Škarpetki z voŭny i sintetyki dalikatniejšyja za bavaŭnianyja. Tamu ich nie rekamiendujecca zamočvać na praciahły čas i myć u vadzie tempieraturaj bolšaj za 35-40%.
Kali vy ŭžyvali vocat, to, kab pazbavicca charakternaha pachu, lepš dadać padčas myćcia kandycyjanier dla bializny i sušyć škarpetki na śviežym pavietry.
Dla pavyšeńnia efiektyŭnaści myćcia rekamiendujecca pakłaści ŭ baraban niekalki śpiecyjalnych miačykaŭ dla myćcia. Padyduć i miačy dla tenisu. Heta zabiaśpiečyć dadatkovaje treńnie i dapamoža admyć navat tryvałyja zabrudžańni.
Čytajcie jašče:
Dziesiać miescaŭ u vannym pakoi, jakija vy, chutčej za ŭsio, prybirajecie niedastatkova dobra
Chočacie lohka i tanna pačyścić mikrachvaloŭku? Voś niekalki sposabaŭ
Dadajcie sodu ŭ pralnuju mašynu — efiekt vam spadabajecca
Hety mietad dapamoža vam zekanomić na myćci adzieńnia. Jon vielmi prosty
Kamientary
nu voś niapraŭda - nie kožny. niama biełych škarpetak - niama prablem.