Chočacie lohka i tanna pačyścić mikrachvaloŭku? Voś niekalki sposabaŭ
Mikrachvalovaja pieč mocna spraščaje nam žyćcio, ale ačyścić jaje niaprosta. Voś niekalki parad, jak heta zrabić z dapamohaj taho, što zaŭždy pad rukoj.
Limon
Vam spatrebicca adzin limon i paŭšklanki vady, nalitaj u misku. Razrežcie limon napałam i rukami vyciśnicie sok u vadu. Kali ŭ vas u chaładzilniku ŭžo jość kavałak limonu, to taksama adciśnicie jaho.
Pastaŭcie misku z rastvoram u mikrachvaloŭku na najbolšuju mahutnaść prykładna na try chviliny, kab jana pačała kipieć. Nie adkryvajcie dźviercy kala piaci chvilinaŭ, kab pary limonnaha soku rastvaryli brud i tłušč. Paśla adkryjcie dźviercy i staranna vyčyścicie mikrachvaloŭku (nie zabyvajciesia pra padstaŭku i dźviercy).
Vocat
Dla hetych ža patrebaŭ dobra padychodzić vocat — i recept vielmi padobny. Vaźmicie misku i nalicie ŭ jaje paŭlitra vady (možna mieniej) i dźvie stałovyja łyžki vocatu.
Pastaŭcie sumieś u mikrachvaloŭku i hatujcie na maksimalnaj mahutnaści kala piaci chvilinaŭ, kab jana pačała kipieć i puskać paru. Pačakajcie try chviliny, kab brud «adyšoŭ».
Paśla aściarožna adkryjcie dźviercy, vyńcie misku i vymyjcie mikrachvaloŭku. Paśla staranna vymyjcie pieč.
Kamientary
jon ža sapraŭdy nie zmyvajecca i 10-j vadoj